Halyqaralyq valuta qory Resey ómir sýru dengeyi boyynsha әlemdik reytingte tómen qaray jyljy beredi dep sanaydy. 2020 jyldyng sonynda Resey Federasiyasy jan basyna shaqqandaghy JIÓ kólemi boyynsha әlemde 68-shi oryn alady.

Resey ekonomikasy orta eseppen bir adamgha shaqqanda 9,97 myng dollardy qúrady. Búl ótken jylmen salystyrghanda 1,6 myng nemese 14%-gha az. Halyqtyng ortasha tabysynyng kórsetkishi bolyp sanalatyn, dollarmen qayta eseptelgen jan basyna shaqqandaghy JIÓ Reseyde 2016-17 jyldardaghy dengeyine týsti.

2025 jylgha qaray Resey jan basyna shaqqandaghy JIÓ boyynsha әlemdik reytingte taghy eki pozisiyasyn joghaltady jәne 12,97 myng dollar kórsetkishimen 70-shi oryngha qayta týsedi, dep boljaydy HVQ. Nәtiyjesinde Reseyding ómir dengeyi is jýzinde Týrkimenstanmen (12,85 myng dollar) tenesedi. Qazir Resey Týrkimenstannan 20%-gha alda túr. Biraq búl alshaqtyq aldaghy 5 jylda tolyghymen joyylatyn bolady, dep habarlady qor.

HVQ-nyng esepteuleri boyynsha Qazaqstan da Reseydi basyp oza alady. Qazaqstan jan basyna shaqqandaghy JIÓ biyl 8,78 myng dollar kóleminde (74-shi oryn). Al 2025 jylgha qaray 13,09 myndyq kórsetkishpen 69-shi oryngha kóterilui mýmkin.

Qytay Reseydi 2020 jyly basyp ozdy. HVQ-nyng baghalauy boyynsha, olardyng jan basyna shaqqandaghy JIÓ 10,84 myng dollardan 2025 jyly 16,28 myngha deyin ósedi.

Qazir HVQ-nyng esepteuleri boyynsha, Resey ómir sýru dengeyi boyynsha damyghan elderden 4,5 ese artta qaldy. Jan basyna shaqqanda JIÓ damyghan elderde - 46,35 myng dollargha jetti. 2025 jylgha qaray búl kórsetkish 58,65 myng dollargha deyin ósedi, al aiyrmashylyq 5 esege juyqtaydy.

Kerimsal Júbatqanov,

Abai.kz