Dýisenbi, 25 Qantar 2021
Sanlaq 2813 9 pikir 25 Qazan, 2020 saghat 03:10

UFC-de jeniske jetken alghashqy qazaq!

24 qazan kýni Abu-Dabiydegi Yas aralynda aralas jekpe-jek sportynan UFC 254 turniyri ótti.

Keshting basty jekpe-jeginde jenil salmaqtaghy (70 keli) UFC chempiony, reseylik Habib Nurmagomedov amerikalyq Djastin Getjiydi jendi. Jekpe-jekten keyin býginge deyin 29 kezdesu ótkizip, bәrinde jeniske jetken Habib MMA-daghy mansabyn ayaqtaytynyn mәlimdedi.

Atalghan kesh ayasynda qazaqstandyq fayter Shavkat Rahmonov kóptken kýtken UFC-degi alghashqy kezdesuin ótkizdi. 26 jastaghy Shavkat braziliyalyq Aleks Oliyveyramen júdyryqtasty.

32 jastaghy Oliyveyra óte tәjiriybeli sportshy bolatyn. Býgin ol UFC-degi 19-jekpe-jegin ótkizdi. Soghan qaramastan qazaqstandyq fayter birinshi raundta jeniske jetti. Shavkat qarsylasyn qylqyndyru әdisimen jendi.

Osylaysha, Shavkat Rahmonov ózining mansabyndaghy 13-jekpe-jeginde jeniske jetip, amerikandyq promoushen tuy astyndaghy debutin sәtti ótkizdi. Kezdesuden keyin ol amerikalyq úiymdastyrushylardyng súraqtaryna qazaq tilinde jauap bergenin de aita keteyik.

UFC - aralas jekpe-jek әlemindegi (MMA) eng bedeldi promoushen. Basqasha aitqanda, erejesiz jekpe-jek sportynyng eng biyik shyny deuge bolady. Shavkat Rahmonov osy úiymmen kelisimshartqa otyrghan alghashqy qazaqstandyq sportshy.

Ol 2019 jyly shilde aiynda UFC fayteri atanghan bolatyn. Biraq týrli sebeptermen UFC-degi debuti býgin ghana ótip otyr. Ol alghashqy jekpe-jegin osy jyldyng nauryz aiynda ótkizui kerek edi. Biraq koronavirusqa baylanysty ol turnir ótpey qaldy. Al shiltede ótken turnirge Shavkat jaraqatyna baylanysty qatysa almady.

Shavkat Rahmonov UFC-de jeniske jetken alghashqy qazaqstandyq atanyp otyr. Búghan deyin taghy bir jerlesimiz Jalghas Júmaghúlov UFC-de óner kórsetkenimen (UFC 251), jenilip qalghan bolatyn.

Quanysh Qappas

Abai.kz

9 pikir