Júma, 29 Nauryz 2024
Ózgeler 4244 49 pikir 15 Qazan, 2020 saghat 15:12

Jeenbekov otstavkagha ketti

15 qazanda Qyrghyzstan preziydentting sayty Sooronbay Jeenbekovting qyrghyzstandyqtargha joldauyn jariyalady. Onda Jeenbekov otstavkagha ketuge sheshim qabyldaghany aityldy. 

«Bishkektegi qoghamdyq-sayasy ahual shiyelenisti bolyp qalatynyn kórip otyrsyzdar. Ony toqtatu ýshin keshe Jogorku Kenesh ýkimetting qúramyn bekitti, men tiyisti taghayyndaular turaly jarlyq shyghardym jәne qol qoydym. Ókinishke oray, agressiya toqtaghan joq jәne olar mening tez ketuimdi talap etedi. Qazirgi jaghday ekijaqty janjalgha jaqyn. Bir jaghynda narazylyq bildirushiler, ekinshi jaghynda qúqyq qorghau organdary bar. Eki jaghy qaqtyghysatyn bolsa qan tógiledi. Memlekettik reziydensiyany qorghau ýshin әskery qyzmetshiler men qúqyq qorghau organdary qaru qoldanuy kerek», - delingen habarlamada.

Jeenbekov Qyrghyzstan tarihynda óz azamattaryna oq atqan preziydent retinde qalghysy kelmegendikten, otstavkagha ketkenin mәlimdedi. Sonday-aq, ol elding tynyshtyghy eng manyzdy ekenin aityp, eki tarapty da arandatpaugha shaqyrdy. Ári premier-ministr Sadyr Japarov pen basqa da sayasatkerlerdi óz jaqtastaryn beybit týrde taratugha shaqyrdy.

«Men biylikti ústamaymyn. Qyrghyzstan tarihynda óz azamattaryn atqan, qan tókken preziydent retinde qalghym kelmeydi. Sondyqtan otstavkagha ketu turaly sheshim qabyldadym.

Japarov pen basqa da sayasatkerlerdi óz jaqtastaryn el astanasynan shygharyp, Bishkek túrghyndaryna beybit ómirdi qaytarugha shaqyramyn», - dedi Jeenbekov.

Ayta keteyik, búghan deyin preziydentting baspasóz hatshysy Tolgonay Stamaliyeva memleket basshysy Sooronbay Jeenbekov qyzmetinen elde sayasy jaghday túraqtalghanda, parlament saylauyn ótkizip baryp ketetinin mәlimdegen edi.

«Býgin preziydent Sooronbay Jeenbekov Sadyr Japarovpen kezdesip, sóilesti. Kezdesude premier-ministr "preziydent býgin keshke qyzmetin tapsyruy kerek" degen talabyn qoydy. Preziydent Sooronbay Jeenbekov qazirgi jaghdayda memleket basshylyghyn tastap kete almaytynyn, múnyng saldary auyr boluy mýmkin ekenin basa aitty», - dedi Stamaliyeva.

Onyng aituynsha, Jeenbekov Japarovqa 9 qazandaghy sózinde túratynyn, preziydenttik qyzmetten Qyrghyzstanda jaghday túraqtylyp, jana parlament saylauyn ótkizip baryp ketetinin jetkizgen.

Jeenbekov 9 qazan kýni mәlimdeme jasap, "eli zang jolyna týskende" qyzmetinen ketuge dayyn ekenin jetkizgen.

"Men ýshin memleket tútastyghynan, halyq birliginen jәne qogham tynyshtyghynan artyq lauazym joq. Bizge barynsha tezdetip zang jolyna týsuimiz kerek. Atqarushy biylikting zandy jetekshileri bekitilgennen keyin, men Qyrghyzstan preziydenti qyzmetimnen ketuge dayynmyn", - degen edi Sooronbay Jeenbekov.

Alayda, bir kýnnen keyin Sooronbay Jeenbekov preziydent qyzmetinen ketuge mәjbýr bolyp otyr.

Qyrghyzstanda 4 qazanda ótken parlament saylauynan keyin elde sayasy daghdarys qalyptasqan edi. Saylau nәtiyjesin joiydy talap etken narazylyq aksiyasynyng sony tәrtipsizdikke úlasyp, 6 qazangha qaraghan týni demonstranttar parlament pen preziydent kensesi ornalasqan "Aq ýidi" basyp alghan. Elde sayasy kýshter arasynda biylikke talas qyzghan.

Parlamentting búrynghy deputaty Sadyr Japarovty 6 qazangha qaraghan týni jaqtastary kýsheytilgen tәrtiptegi týrmeden shygharyp alghan. Qyrghyzstan biyligi Japarovty 2013 jyly Qúmtór altyn kenishin memleket iyeligine alu talabymen Qaraqol auylynda miting úiymdastyryp, sol kezdegi Ystyqkól oblys әkimin kepilge alghan degen aiyppen 2017 jyly tamyzda sottap, 11,5 jylgha týrmege qamaghan edi.

14 qazanda parlament premier-ministr etip saylaghan Sadyr Japarovtyng ýkimet qúramyn, qúrylymyn bekitip, oghan preziydent Sooronbay Jeenbekov qol qoyghan. Biraq Japarovtyng jaqtastary Jeenbekov qyzmetinen ketpey, alannan taramaytynyn bildirdi.

Abai.kz

49 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1578
Alashorda

Qojanov mejeleu nauqanynda (Jalghasy)

Beybit Qoyshybaev 2277
Ghibyrat

Qaysar ruhty ghaziz jan

Múhtar Qúl-Múhammed 3596