10 qyrkýiek kýni Núr-Súltan qalalyq subektilerdi ontaylandyru jónindegi komissiyanyn otyrysy ótip, onda mәsilihat deputaty Miras Shekenov kitaphanalardy qysqartudy úsynypty. Osy arqyly Preziydent Toqaev biylghy joldauynda aitqan memlekettik shtatty qysqartu turaly tapsyrmasyn oryndau kerektigin algha tartqan.

Mәsilihat deptatynyng oiynsha, kitaphanalardy qysqartsa, bilim salasyndaghy memlekettik qyzmetkerlerding sanyn jyl sonyna deyin 10 payyzgha qysqartugha mýmkindik bar kórinedi.

Búl mәsele qoghamda qyzu talqylandy. Kópshilik kitaphanalardy qysqartugha qarsylyq bildirdi. Preziydentting memlekettik qyzmetkerlerding sanyn azaytu turaly tapsyrmasy ýkimettegi bas artyq kadrlargha qaratylghanyn elorda shendilerining esine salugha tyrysqan. «Kólginovting jarnamasy kórshi elding tilinde ghana jasala ma?» atty jazbamyzda biz de óz oiymyzdy aittyq.

Osy mәselege baylanysty Núr-Súltan qalasynyng әkimi Altay Kólginov te óz oiyn bildirdi. 24.kz telearnasynyng efiyrinde әkim kitaphanalardyng qysqartylmaytynyn aitty.

- Biylghy karantin kóp dýniyege basqasha kózqaraspen qaraugha mýmkindik berdi. Karantin ushyghyp túrghan jazghy ailarda 80% qashyqtan júmys istedik. Sol kezde memlekettik qyzmetkerlerdi qysqartugha bolatynyna kóz jetkizdik. Preziydentimiz joldauda jyl sonyna deyin memlekettik qyzmetkerlerdi 10 payyzgha azaytu turaly aitty.

Biraq kitaphanalardy qysqartu turaly әngimening qaydan shyqqanyn bilmeymin. Men de jeliden kórdim, ony kim oilap tapqanyn bilmedim. Ol qate úghym. Birinshiden kitaphanalargha tisuge bolmaydy. Kitap - bilim qazynasy. Kitaphanalardy japqansha, adamdardy tartuymyz kerek. Elektrondy kitap bolsyn, onlayn oqysyn, kitaphana kelip oqysyn, adamdar kitap oquy kerek. Sondyqtan kitaphanalar qysqartylmaydy. Kitaphanalargha tiyispeymiz, - dedi Kólginov.

Abai.kz