Qazaqstanda emhana tandau nauqany bastaldy. Qyrkýiekting 15-inde bastalghan dәstýrli nauqan eki aigha sozylady. Búl turaly «Áleumettik medisinalyq saqtandyru qory» KEAQ Almaty qalalyq filialy habarlady.

Filial mәlimetinshe, tirkeu ótken jyldan bastap eGov elektrondy ýkimet portaly arqyly jýrgizilip keledi. Tirkelu ýshin elektrondy sifrlyq qoltanba qajet.

«Tirkeu prosesining avtomattandyryluy azamattardy emhanagha «syrttay» tirkeu faktilerining aldyn alugha kómektesedi. Sonymen qatar, erkin tandau prinsiypi boyynsha azamat ózi túryp jatqan bir әkimshilik birlik aumaghyndaghy  emdeu mekemesining birine tirkele alady. Oblystyq jәne respublikalyq manyzy bar qalalarda bir audan ishindegi emhanany tandaugha bolady», - dedi Tileuhan Ábildaev.

Aytuynsha, býgingi tanda Almaty qalasynda kepildendirilgen tegin medisinalyq kómek paketi men medisinalyq saqtandyru paketi shenberinde 74 emhana qyzmet kórsetedi. Onyng jartysyna juyghy – jeke menshik.

«Tirkeu nauqany barysynda tek memlekettik qana emes, jeke menshik emdeu úiymdaryna da tirkeluge bolady. Tek tandap alynghan klinika  Medisinalyq saqtandyru qorymen kelisimshart bekitken boluy shart. Jetkizushi kompaniyalardyng tolyq tizimimen Qordyng fms.kz sayty arqyly tanysugha bolady», - dedi filial basshysy.

Sonymen qatar, birqatar sanattar búrynghysha emhananyng tirkeu bólimi arqyly tirkele alady. Olar:

• Zeynetkerler men mýgedekter
• studentter
• balalardyng zandy ókilderi men balalyq shaqtan mýgedek túrghyndardyng qamqorshylary
• shetelde tughan balalar
• týrmede jazasyn ótep jatqandar (sol jerdegi emdeu mekemesine)
• әskery boryshyn ótep jatqandar
• bóbekter, balalar men qarttar ýilerining túrghyndary
• resmy senimhat arqyly tirkeletinder

Esterinizge sala ketsek, biylghy nauqan kezinde basqa emhanagha tirkelgen túrghyndar tandaghan emhana qyzmetin 2021 jyldyng 1-qantarynan bastap paydalana alady. Yaghni, jyldyng sonyna deyin búrynghy emhanagha qaralady.

Abai.kz