«Qazaq tilin bilmegenimnen tayaq jedim»,- dedi...
Býgin bir ata-ana balasyn bizge Nazarbaev Ziyatkerlik Mektebine dayyndyqqa jazdyrghaly alyp kelipti. Balasy qazaq synybynda oqidy.
Endi balasyn kirgizip, kelisim-shart súrady. Bizde (Respublikalyq "QAZBILIM" ortalyghy) kelisim-shart tek qazaq tilinde, ústanym solay, mekemede eshqanday orys tilinde qújat joq, sabaq ótilmeydi.
Endi, әlgi ata-anam kelisim-sharttyng orys tilindegi núsqasy qayda dep shu shygharghysy keledi. "Keshiriniz, kelisim-shart memlekettik tilde jasalghan. Týsinbeseniz, audarmashy jaldasanyz bolady. Bizde orys tilinde kelisim-shartqa qol qoyylmaydy", - desem, ashulanady. "Sizder kliyent tilinde júmys jasaularynyz kerek", - deydi. "Keshiriniz, biz memlekettik tilde júmys jasaymyz", - deymin.
Eki qazaqtyng arasyn bir qazaq audaryp, sóilesip túrmyz. Kelisti, kelisim-shartqa qol qoydy. Ketip bara jatyp: "Túnghysh ret qazaq tilin bilmegenimnen tayaq jedim", - deydi.
Men: "Endi 10 jylda qazaq tilin bilmeytin kez kelgen qazaqstandyq kýnde siz sekildi tayaq jeydi. Balalarynyzben qazaqsha sóilep ýireniniz", - dedim.
Kýmiljip, qazaqsha kelisim-shartty ústap, balasymen oryssha sóilesip ketip barady...
Balasyna janym ashydy.
Ayatjan Ahmetjanúlynyng jazbasy
Abai.kz
