Dýisenbi, 25 Qantar 2021
Áleumet 5884 5 pikir 27 Tamyz, 2020 saghat 11:53

Qazaq tólqújatynan kimder bas tartty?

Byltyr qantar-mausym ailarynda elimizden 20 071 adam kóshse, biyl tap osy merezimde, yaghni, COVID-19 kezinde olardyng mólsheri 45,3%-gha kemip, qazaq elinen 10 977 adam ózge elden óz baqytyn izdep qonys audardy.

Búlardyng ishinde TMD elderine atbasyn búrghandary – 9,8 myngha tarta. Tarqata aitsaq:  Reseyge –9,5 myn, Ózbekstangha – 131, Belarusqa – 101, Qyrghyzstangha – 33, Ukraiyngha – 22 jәne Ázerbayjangha – 16 adam aua kóshti.

Álemning qalghan alys-jaqyn elderine qazaq jerinen kóshkender sany: 1169 adam. Olardyng 780-i – Almaniyada, 131-i – AQSh-ta, 59-y – Kanadada, 20-sy – Izrailde, 17-si – Týrkiyada, 7-si – Grekiyada túrghandy hosh sanapty. 

Qazaq elinen birjola ketkenderding 15 jastan asqandary – 7921 adamdy,  qúrasa, al, 15 jasqa deyingileri – 2,6 myng bala men jasóspirimderden túrady. Osylardyng ishinde joghary jalaqy ýshin týre kóshken tehnikalyq bilimdi mamandardyng qarasy 1,8 mynnyng tónireginde. 

Qazaq tólqújatyn ózge elding azamattyghyna almastyrghandardyng ishinde 503 – qazaq, 7705 – orys, 890 – nemis, 759 – ukraiyn, 271 – tatar, 141 – polyak, 138 – belorus, 81 – ózbek, 73 – kәris, 47 – sheshen, 44 – әzerbayjan jәne basqada ózge últ ókilderi bar.   

Alash balasynyng shetelge auuy prosesinde tek aralas nekedegi jәne jalghyz basty orys tildi qazaqtardyng qarasy basym.

Ábil-Serik Áliakbar

Abai.kz

5 pikir