Memleket basshysy Qasym-Jomart Toqaev QR Sauda jәne integrasiya ministri Baqyt Súltanov pen QR Industriya jәne infraqúrylymdyq damu ministri Beybit Atamqúlovty qabyldady. 

Baqyt Súltanov Qasym-Jomart Toqaevqa ministrlik júmysynyng nәtiyjeleri jayynda, sonday-aq, sauda salasynyng 2025 jylgha deyingi damu mýmkindikteri men perspektivasy turaly bayandady.

Memleket basshysy ministrge sauda salasynyng syrtqy naryqtargha shyghuyn qalpyna keltiru jәne ony odan әri damytu jóninde birqatar naqty tapsyrma berdi.

Al Beybit Atamqúlov óz kezeginde Industriya jәne infraqúrylymdyq damu ministrligining biylghy 7 aida atqarghan júmysynyng qorytyndysy, sonday-aq, memlekettik baghdarlamalardyng jýzege asyrylu barysy turaly esep berildi.

Beybit Atamqúlovtyng aituynsha, pandemiya saldarynan tuyndaghan daghdarys jaghdayyna qaramastan ministrlikke qarasty salalarda ong nәtiyjelerge qol jetken. Ministr býginde «Núrly jer» baghdarlamasy ayasynda 7 million sharshy metr túrghyn ýy salynyp, 61,3 myng otbasynyng túrmystyq jaghdayy jaqsarghanyn jetkizdi. Sonymen qatar «Núrly jol» baghdarlamasy boyynsha respublikalyq jәne jergilikti manyzy bar 9,8 myng shaqyrym joldyng qúrylysy jәne qayta jóndeu júmystary jýrgizilip jatyr.

Búdan bólek jyl sonyna deyin Industriyalandyru kartasyn jýzege asyru boyynsha elimizding barlyq ónirlerinde 160 jobany iske qosu josparlanyp otyr.

Kezdesu sonynda Preziydent óndeu ónerkәsibin odan әri yntalandyrugha jәne ishki naryqty tolyq qamtu maqsatynda óndelgen ónimderding ýlesin arttyrugha qatysty birqatar tapsyrma berdi. Qasym-Jomart Toqaev biyl paydalanugha beriledi dep josparlanghan túrghyn ýilerdi uaqytynda tabystaudyng manyzdy әleumettik mindet ekenin aitty. Sonday-aq kólik-tranzit infraqúrylymyn janghyrtu júmystaryn jalghastyru qajettigin atap ótti.

Abai.kz