Düysenbi, 28 Qırküyek 2020
COVID-19 QAZAQSTANDA. Jwqtırğandar — 107775. Jazılğandar — 102736. Qaytıs bolğandar — 1699
737 1 pikir 14 Tamız, 2020 sağat 15:46

Esmağambetova: Maska tağı tärtibi saqtaladı

QR Bas memlekettik sanitar därigeri Ayjan Esmağambetova äleumettik jelide auağa belgisiz gazdıñ taraluına qatıstı jariyalanıp jürgen qauesettiñ şındıqqa säykes kelmeytinin ayttı.

Ortalıq kommunikaciyalar qızmetinde ötken baspasöz mäslihatında osı mäselege qatıstı swraq qoyıldı.

«Qanday da bir qospalardı auağa şaşuğa baylanıstı aqparat dwrıs emes äri şındıqqa janaspaydı. Bwl twrğıda tek tekserilgen aqparattı, sonday-aq resmi aqparat közderinen aludı swraymın», - dedi Bas memlekettik sanitar däriger.

Ol sonday-aq, demalıs künderi karantin nelikten saqtalatının ayttı.

«Ne sebepti demalıs künderi lokdaundı saqtaymız? Birinşi maqsat – qol jetkizilgen körsetkişterdiñ oñtaylı dinamikasın saqtau. Infekciyanıñ taraluında bastı sebep ne? Ol - adamdardıñ qarım-qatınası. Özderiñiz jaqsı bilesizder, demalıs künderi adamdardıñ özara qarım-qatınası köbeyedi, twrğındardıñ saparğa şığuı artadı», - dedi ol Ortalıq kommunikaciyalar qızmetinde.

Sonımen qatar, twrğındarğa qoğamdıq orındarda, qızmet körsetu, demalısqa arnalğan üy-jaylarda betperde tağu jönindegi talap saqtalatının mälimdegen.

Bwdan bwrın habarlanğanday, A. Esmağambetova Qazaqstanda qatañ şekteu şaraları engizilgennen bastap, koronaviruspen sırqattanuşılıqtıñ täuliktik ösimi 0,5 payızğa deyin tömendegenin aytqan.

Abai.kz

1 pikir