Särsenbi, 23 Qırküyek 2020
COVID-19 QAZAQSTANDA. Jwqtırğandar — 107450. Jazılğandar — 102219. Qaytıs bolğandar — 1699
470 0 pikir 13 Tamız, 2020 sağat 13:14

«Aq jol» deputattarı käsipkerlermen kezdesti

Almatı käsipkerleri «Aq jol» partiyasınıñ deputattarına memlekettik qoldau ayasında bwrın alğan nesielerdi tömen mölşerleme boyınşa qayta qarjılandıru (jüktemeni wlğaytpay) mümkin emestigine şağımdandı 

«Aq jol» Demokratiyalıq partiyasınıñ deputattarı Azat Peruaşev pen Erlan Barlıbaevtıñ qatısuımen düysenbide ötken beynekonferenciyada şağın biznes ökilderi memlekettik qoldaudıñ jetkiliksiz ekendigi turalı mäseleni köterdi.

Mısalı, azıq-tülik önerkäsibi Odağınıñ törayımı Marina Sabralieva bwrın alğan nesielerdi jaña mölşerleme boyınşa qayta qarjılandıru mümkin emestigin ayttı. Käsipkerlerdiñ mwnday äreketteri nesieni qayta esepteu jäne nesielik jüktemeniñ wlğaytılatınımen ayaqtalatının jetkizdi.    

Memleket tömengi mölşerlemedegi jaña nesielerge orasan qarajat böldi. Biraq bankter jaña mölşerleme boyınşa bwrınğı nesielerdi qayta qarjılandıruğa qarsı. Eger qarjılandırsa, bwrınğı nesie bereşegin qosıp, qayta qarjılandıradı.     

«Maqsat jaña nesielerdi taratuda emes, dağdarıstan zardap şekken biznesti qoldauda emes pe? Biraq bwlay bolmay twr,– dedi tağam öndiruşiler. Sondıqtan da Wlttıq bank pen qarjı narığın retteu agenttiginiñ bankterdi biznestiñ eski nesielerin jaña mölşerleme boyınşa nesielik jüktemesin kötermey, kerisinşe onıñ bereşegin tömendetudi mindetteytin şeşimi kerek.    

Käsipkerler «Damu» qorınıñ qarjılıq kömek nesieleri boyınşa bereşekti  şegindiru hattamasın toltıru kezinde «fors-major turalı qwjat» pen kompaniyanıñ qarjılıq qiın jağdayın rastaytın özge de qwjattardı tapsıru talaptarına da qatıstı swraqtar qoydı.

«Qorğa bwl ne üşin qajet? Prezident köktemde fors-majorlıq jağday dep tanıdı. Qazir de karantin wzartıldı jäne Ükimettiñ nesielerdi 1 qazanğa deyin şegindirudi jalğastıru turalı şeşimi de bar. Nege ekeni belgisiz «Damu» qorı käsipkerlerden qwjattardı talap etude, olar nege bizdi tağı da qağazbastılıqqa mäjbürleydi» dep aşulandı käsipkerler. 

Almatı auır maşinajasau zavodınıñ bas direktorı Jetpisbay Edigenov öndiruşiler üşin arzan tüngi tarifterdi qoldanudı jañğırtu turalı mäseleni köterdi. Onıñ esepteuleri boyınşa, mwnday tarifterdiñ alınıp tastaluımen öndiruşilerdiñ  şığındarı 12% artqan. Maşinajasauşılar qazirgi jağdayda tüngi tarifterdi qaytaru biznesti qoldaudıñ mañızdı şaralarınıñ biri  bolar edi deydi.

Qatısuşılar qazirgi qiın jağdaydan ekonomika men käsiporındardı alıp şığu jöninde köptegen basqa da wsınıstar ayttı.

Azat Peruaşev barlıq wsınıstar jinaqtalıp, «Aq jol» partiyasınıñ Ükimetke wsınatın wsınıstar toptamasına engiziletinine sendirdi. 

Abai.kz

0 pikir