Júma, 29 Nauryz 2024
46 - sóz 3607 3 pikir 11 Tamyz, 2020 saghat 16:25

Biylik mitingige emes, ondaghy kóterilgen úrandargha nazar salu kerek

«Memlekettik basqarudy qayta qúru qajet. Jana kurs (baghyt) jana oryndaushylardy – bilimdi, batyl, bastamashyl, iskerlik jәne adal oryndaushylardy qarastyrady», - dedi preziydent Q.Toqaev.

Dúrys. Múnday talaptar ýnemi mitingilerde qoyylyp keldi...

Biraq osyghan deyin biylik «Miting» degen sózdi ghana bildi. Al ondaghy kóterilgen taqyryp (Úrandar) esh manyzdy bolmady. Sondyqtan, olargha «miting»  ataulynyng bәri qauipti kóringeni ras..

Eger, biylik mitingimen birge «Ondaghy kóteriletin taqyryp ne?», «Ol qanday maqsatty kózdeydi?» degen súraqtardy qatar qoyghanda, onda biylikting kýshtik qúrylymy beybit mitingige jinalghan halyqty dyryldatyp sýireuge, aiyppúl salugha, qamaugha barmas edi. Sebebi, bizdegi barlyq mitingilerding kótergen úrandary: halyqtyng túrmys jaghdayyn kýsheytu, Memlekettik qauipsizdik pen qorghanysty arttyru, Tәuelsizdikti nyghaytu, korrupsiyagha jol bermeu, Jerdi shet elge satpau, jalgha bermeu jәne t.t. tek qana últtyq mýddeni qorghau baghytynda boldy.

Biraq biylik (әkimshilikter) tek «Miting» ghana kórdi de, ondaghy kóterilgen «taqyrypty» tipten elemedi.

Sonda, biylikke Últtyq qauipsizdik, Tәuelsizdik, Halyqtyng ómiri men jaghdayy esh manyzdy bolmaghany ma degen zandy súraq tuyndaydy.

Eger ol manyzdy bolmasa - memleketting qajeti ne, memleket bolmaghasyn biylikting de qajeti ne degen taghy bir zandy súraq tumay ma?

Olay bolsa, «Kýshti Memleket bolayyq!» (al biyliksiz memleket bola ma?) dep beybit mitingigi shyqqan halyqty sýirelep әure boludyng da esh qajeti joq emes pe?

Alayda, bizding biylik «Memleketti tek mitingiden qorghasa boldy, memleketimiz kýshti bolyp ketedi»  dep oilap kelgen eken...

Endi preziydent Q.Toqaev «mitingiden qoryqpaytyn, kerisinshe, mitingide aitylatyn Úrandardan sabaq alatyn, soghan say, yaghni, halyq talabyna say Memleketting irgetasyn nyqtaytyn» kadrlerdi (oryndaushylardy) memlekettik basqaru qyzmetine alamyz dedi.

Endeshe, bolashaqta biylik «mitingilerdi boldyrmaudyn» barlyq amaldaryn kýshtik qúrylymgha emes, әkimshilik departamentterine jýktey alatynday boluy kerek. Yaghni, búl - qogham damuyn aldyn ala boljay alatyn, soghan say әreket ete alatyn, ony adal oryndaytyn jan-jaqty bilimdi, patriot, memleketshil-halyqshyl sheneunikter armiyasyn, basqaru jýiesin qalyptastyru degendi bildiredi.

Ol jaghdayda, tipten, әkimshilik qyzmetkerleri mitingiler úiymdastyrsyn demey-aq qoyayyq, biraq olar sol qaynaghan mitingining bel ortasynda jýrui kerek bolady!

Mitingige emes, olar úrangha nazar saluy kerek! 

Sóz sonyn:

Qazirgi «zәbir kórsetti» dep jas qyzgha zingittey 6 polisiyanyng jazghan aryzyn qarap jatqan sotqa eki tarapty mediasiyalyq keshirimge keltirip tarqatsanyz óte dýrys sheshim bolar edi degen tilegimmen ayaqtaymyn.

Siz de Preziyden Q.Toqaevtyng aitqanyna qúlaq týriniz, mәrtebeli sot!

Ábdirashit Bәkirúlynyng jazbasy

Abai.kz

3 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1581
Alashorda

Qojanov mejeleu nauqanynda (Jalghasy)

Beybit Qoyshybaev 2280
Ghibyrat

Qaysar ruhty ghaziz jan

Múhtar Qúl-Múhammed 3606