Senbi, 19 Qırküyek 2020
COVID-19 QAZAQSTANDA. Jwqtırğandar — 107199. Jazılğandar — 101822. Qaytıs bolğandar — 1671
46 - söz 1676 16 pikir 7 Tamız, 2020 sağat 15:54

Äleumettik teñsizdikti şeşpey, sayasi reforma jasau mümkin emes...

Bizge demokratiya qajet. Ol üşin, elimizde sayasi reformalar ötkizu qajet.
Degenmen, elimizdi reformaciya jasaudıñ tağı bir, eñ negizgi, aspektisi bar.
Ol äleumettik teñdik. Anığıraq aytsaq, sol teñdiktiñ bizdiñ elde tapşılığı.

Bizdiñ memlekettiñ ülken paradoksi bar. Onı "qazaqstandıq äleumettik paradoks" dep aytsa da boladı. Bizdiñ memleket bay, halıq kedey. YAğni, memleketimizdiñ jer astı, üsti baylığınıñ basım köpşiligi "at töbelindey" toptıñ qolında şoğırlanğan.

Halıqtıñ basım köpşiligi "taqır kedey", pandemiyadan keyin, olar "siñir kedeylerdiñ" qatarına qosılatın boladı. Mine, osı äleumettik teñsizdik mäselesin şeşpey, bizdiñ elde sayasi reforma, äleumettik transformaciya jasau mümkin emes. Öytkeni, kedey adamdar demokratiyanıñ qwndılıqtarın qajet etpeydi. Sondıqtan, elimizde äleumettik teñdik mäselelerin şwğıl jäne tübegeyli şeşu öte mañızdı.

Ol degenimiz ne?

Eñ birinşi, qala men auıldıñ arasındağı infraqwrılımdıq teñsizdikti joyu, azamattarğa sapalı, tereñ bilim beru, joğarı bilimi joq azamattarğa kvalicikaciyası joğarı jwmısşı mamandığın igeruge jol aşu, memlekettiñ äleumettik bağıtın arttıru.

Tek qana memlekettiñ qolınan bwl mäseleni oñdı, keşendi şeşu kelmeydi, iri biznes, orta biznes ökilderi öz personalınıñ äleumettik standarttarın ösiruge qwlqılı boluları kerek.

Memlekettiñ twraqtılığı äleumettik teñdik, ädilettilik barlıq deñgeyde ornağanda payda boladı. Äleumettik teñdiktiñ "skandinavtıq modeli" degenimiz osı. Bizge osı model'ge talpınu kerek.

Memleket, iri biznes, orta jäne kişi biznes, halıq qol wstasıp osı bağıtqa talpınğanda ğana biz tüpki maqsatqa jetemiz. Elimiz auır, qım-qiğaşı mol, kürdeli processterdiñ aldında twr. Abay aytpaqşı, "bayda meyir, kedeyde peyil de joq" bolsa, memleketimizdiñ jağdayı müşkil boluı ıqtimal.

Barşamızğa tereñ oylanatın kez keldi. Elimizdiñ bolaşağı barşamızdıñ qolımızda.

Erlan Sairovtıñ jazbası

Abai.kz

16 pikir