Jwma, 25 Qırküyek 2020
COVID-19 QAZAQSTANDA. Jwqtırğandar — 107590. Jazılğandar — 102360. Qaytıs bolğandar — 1699
46 - söz 1110 10 pikir 7 Tamız, 2020 sağat 15:47

Wlttıq keñes «wlttıq» boluı üşin ne isteui kerek?

Qazir qoğamda Wlttıq qoğamdıq senim keñesi jayında är qilı äñgime köp. Ärine eşkimniñ auzına qaqpaq bola almaysıñ. Ärkim öz aytqanın dwrıs sanaytın zaman. Degenmen atauınıñ özi köñilge qonıñqıramaytın bwl keñesti jauıp tastau kerek degen äñgime köp. Nege? Onıñ özindik sebepteri bar. Osı jayında birer auız söz ayta keteyin.

Bwl keñestiñ qwramında men altı ay bolğanmın. Sondıqtan Wlttıq keñestiñ jay-japsarımen biraz tanıspın. Ras, äu basta prezident Toqaev Wlttıq keñes qwru jöninde şeşim qabıldağanda, «elde sayasi reformalar bastaldı» dep quanıp, prezidentti qoldağandardıñ biri edim. Degenmen keñestiñ qwramına enip, jwmıs bastağanda köñilim tolıñqıramadı. Öytkeni Wlttıq keñestiñ qolında eşqanday qwziret joq edi.

Keñes memlekettiñ damuına, qoğamnıñ aşıqtığına, ekonomikağa serpin beruge, äleumettik saladağı tüytkilderdi şeşuge, halıq pen bilik arasında dialog ornatuğa septik bola ma degen oyda edim. Ökniştisi olay emes eken.

Ras, halıqtıñ kökeyindegisin bilikke jetkizuge, jaqsı bastamalar köteruge mümkindik boldı. Biraz özekti mäseleler köterildi de. Biraq olar şeşimin taptı, bilik keñeste köterilgen bastamalardı ilip äketti dep ayta almaymın. Ökiniştisi, sodan bolar jaqsı bastamalar ayaqsız qalıp jatır. Ol üşin ne isteu kerek? Wlttıq keñes jay ğana qatardağı köp wyımnıñ birine aynalmauı tiis. «Wlttıq» degen atau twrğan soñ, belgili bir deñgeyde qwzireti boluı tiis edi. Alayda Wlttıq qoğamdıq senim keñesi – Qazaqstan Respublikasınıñ prezidenti janındağı konsul'tativtik-keñesşi organ ğana.

Tağı bir ayta ketetin jayt, Wlttıq keñestiñ negizgi maqsatı – jwrtşılıqtıñ, sayasi partiyalardıñ, azamattıq qoğamnıñ ökilderimen keñinen talqılau negizinde memlekettik sayasattıñ özekti mäseleleri boyınşa wsınıstar men wsınımdar twjırımdau. Bar qızmeti osı. Bwdan ne payda? Mwnday aqıl-keñes beretin toptar prezident aynalasında jetkilikti emes pe? Demek, osı twsta oylanu kerek.

Meniñşe, osı keñeste memlekettiñ, wlttıq qamın oylaytın, sol üşin jan tänimen qızmet etuge bar, ne bir mıqtı, bilimdi, bilikti azamattar jeterlik. Solardı keñestiñ şeñberine tığıp qoymay, parlamentke tartu. YAğni alda kele jatqan Mäjilis saylauında solardı iriktep alıp jatsa qwp bolar edi. Öytkeni halıqqa belgili bir jağday, Mäjiliste köbine jası kelgender, eşqanday ideya, bastamaları joq, kezdeysoq deputat bolğandar barşılıq. Solardı ketirip, Wlttıq keñeste otırğan wltım deytin azamattardı deputattıqqa tartsa, onda parlamentte serpilis bolıp, «qan jañarar» edi. Qozğalıs bolar edi. Mäjilis halıqqa bir taban jaqındar edi, wlttıñ sözin söylep, wlttıñ tiline jan bitirer edi.

Al, olay bolğan jağdayda birer jıldan keyin Wlttıq keñesten eş män qalmaydı.

Azamathan Ämirtaydıñ jazbası

Abai.kz

10 pikir