Jwma, 25 Qırküyek 2020
COVID-19 QAZAQSTANDA. Jwqtırğandar — 107590. Jazılğandar — 102360. Qaytıs bolğandar — 1699
Äne, kördiñ be? 1136 6 pikir 7 Tamız, 2020 sağat 14:20

MÄMS. 75,5 mln. teñgege «jalğan qwjat» jasalğan

Senat deputatı Dana Nwrjigitova Bas prokuratura men Densaulıq saqtau ministrliginen medicinalıq qızmet körsetildi dep jalğan mälimet beru jağdayın tekserip, kinälilerdi jazalaudı swrağan. Ol bwl turalı äleumettik jelilerdegi paraqşasında mälimdedi.

«Medicinalıq saqtandıru qorı bir ğana jartı jıldıqtıñ işinde somması 75,5 mln. teñge 11 607 jalğan tağayındau jasağanı anıqtalğan. Qazir elimiz üşin onsızda oñay emes kezeñde orın alğan jağday otandıq densaulıq saqtau jüyesin «qayta iske qosu» qajet emes pe degen oy salıp otır.

Kinälilerdi anıqtap jäne jazalap qana qoymay, sonday-aq jüyelik keşendik şaralar qarastıru qajet. Meniñ oyımşa, bwl jağdayda qarapayım därigerlerge ğana jauapkerşilikti artudıñ qajeti joq. Olardıñ eñbegine pandemiya kezinde barlığımız kuä boldıq. Uäkiletti organnan osınday jağdaylardı bwdan äri boldırmau jäne tolığımen joyu mäselerine qatıstı naqtı wsınıstarın kütemiz», - delingen senatordıñ jazbasında.

Dana Nwrjigitova qadağalauşı organğa joğarıdağı atalğan zañ bwzuşılıqtardı anıqtau, körsetilmegen medicinalıq qızmetter üşin tölengen qarajattardı qaytaru jäne kinälilerdi jauapkerşilikke tartu boyınşa prokurorlıq baqılau jürgizu turalı resmi saual joldaytının jazıptı.

Sonımen qatar, öziniñ deputattıq mandatın paydalana otırıp, senator Densaulıq saqtau ministrligine jalğan tirkeudi boldırmau arqılı medicinalıq tölem jüyelerin odan äri jetildiru, vedomstvolıq jäne nauqastar tarapınan qadağalau qwqığın küşeytu, Qordıñ (ÄMSQ) jäne özge de medicinalıq wyımdardıñ tolıqtay qarjılıq aşıqtığın qamtamasız etu turalı resmi ündeu joldaytının mälimdedi.

Abai.kz

6 pikir