Jwma, 25 Qırküyek 2020
COVID-19 QAZAQSTANDA. Jwqtırğandar — 107590. Jazılğandar — 102360. Qaytıs bolğandar — 1699
1036 1 pikir 7 Tamız, 2020 sağat 14:16

Düniejüzilik bank: Ortalıq Aziyada dağdarıs boladı

Koronavirus pandemiyası Ortalıq Aziya elderindegi adam kapitalı sapasına jäne äleumettik-ekonomikalıq damuğa qattı äser etedi. Bwl jöninde Düniejüzilik damu bankiniñ bayandamasında aytılğan.

Bwl elderde halıqtıñ jartısın studentter men jastar qwraydı. Dağdarıs ösip kele jatqan wrpaqtıñ tabısına qauip töndiredi. Zertteu boyınşa, jasöspirimder arasında sauatsızdıq artıp keledi. Bwl qoğam ömirine belsendi aralasu üşin oqu, jazu, esepteu sauatın qoldana almaydı degen söz.

Pandemiyağa deyin de Ortalıq Aziyadağı bilim beru jüyesi twrmısı tömen otbasınan şıqqan jastarğa bilim aluda teñ mümkindik berude birqatar problemağa tap bolğan.

Düniejüzilik bank mälimeti boyınşa, ortalıqaziyalıq studentter europalıq qatarlasınan 1,5 jılğa qalıp qoyğan. Ekonomikalıq qauımdastıq jäne damu (PISA) halıqaralıq bağdarlamasınıñ esebi boyınşa, atalğan aymaqtıñ studentteri negizgi sauat boyınşa tömen nätije körsetken.

PISA mälimetine säykes, Qazaqstanda kedey otbasınan şıqqan balalar bilimdi zamandastarınan bir jılğa, Qırğızstanda 2,5 jılğa qalıp qoyğan.

Koronavirus pandemiyası bilim beru salasına qattı soqqı berip jatır, onıñ saldarı on jıldan keyin bayqaladı deydi sarapşılar. Ekonomika salasınıñ özine 44 mlrd dollar şığın keltirgen.

Düniejüzilik damu bankiniñ bastı eksperti Aişa Vauda bwl äli pessimistik scenariy emes deydi.

Düniejüzilik damu bankiniñ ökilderi aymaq biligi mektepterge erekşe köñil bölu keregin aytadı. Äsirese qaşıqtan oqu üşin mektep oquşıları men studentterge jağday jasau qajettigin wsınadı.

Abai.kz

1 pikir