Jwma, 25 Qırküyek 2020
COVID-19 QAZAQSTANDA. Jwqtırğandar — 107590. Jazılğandar — 102360. Qaytıs bolğandar — 1699
Añız Abay 5884 16 pikir 5 Tamız, 2020 sağat 17:40

Köptiñ kütkeni - Abay küni!

Qazaqstan Respublikası Ükimetiniñ Qaulısımen 10-tamız Abay küni dep belgilendi. 

«Qazaqstan Respublikasındağı merekelik künderdiñ tizbesin bekitu turalı» Qazaqstan Respublikası Ükimetiniñ 2017 jılğı 31 qazandağı №689 qaulısına tolıqtıru engizu turalı «Qazaqstan Respublikasındağı merekeler turalı» 2001 jılğı 13 jeltoqsandağı Qazaqstan Respublikası Zañınıñ 4-babına säykes Qazaqstan Respublikasınıñ Ükimeti QAULI ETEDİ:

1. «Qazaqstan Respublikasındağı merekelik künderdiñ tizbesin bekitu turalı» Qazaqstan Respublikası Ükimetiniñ 2017 jılğı 31 qazandağı № 689 qaulısına (Qazaqstan Respublikasınıñ PÜAJ-ı, 2017 j., № 53, 343-qwjat) mınaday tolıqtıru engizilsin:

- körsetilgen qaulımen bekitilgen Qazaqstan Respublikasındağı merekelik künderdiñ tizbesi mınaday mazmwndağı 22-1-tarmaqpen tolıqtırılsın:

- «22-1. Abay küni – 10 tamız».

2. Osı qaulı alğaşqı resmi jariyalanğan küninen keyin qoldanısqa engiziledi»,- delingen Qaulıda.

Esteriñizge sala keteyik, osığan deyin Ükimet 10 tamızdı «Abay küni» dep belgilep, resmi merekeler qatarına engizu turalı wsınıstı «Aşıq Ükimet» portalında qoğamdıq talqılauğa wsınğan edi. Wsınıs 26 mausımda jariyalanıp, 13 şildede ayaqtaluı tiis bolğan.

Ayta keteyik, osığan deyin Abaydıñ tuğan künine qatıstı el pikiri ekiwştı bolıp keldi. Abaytanuşılardıñ bir böligi Abaydıñ tuğan küni 23 tamız ekenin aytadı. Tağı bir böligi 10 tamız degendi alğa tartadı. Al YUNESKO köleminde toylanğan Abaydıñ 150 jıldığı 10 tamız bolıp belgilengen.  Endi sol kün resmi türde bekitilipti. Bwl turalı Ükimet arnayı Qaulı şığarıp, Zañğa özgerister engizgen. Ol boyınşa, prezident Toqaevtıñ bastamasımen biıl el köleminde atalıp ötiletin Abaydıñ 175 jıldığı 10 tamızğa belgilenui tiis.

Äuelde (Covid-19 pandemiyası aldında) Prezident wsınıs aytıp, arnayı memlekettik komissiya qwrılğannan keyin öñirlerde birli-jarım mädeni is-şaralar ötkizile bastadı. Abaydıñ esimi köşeler men mektepterge berildi. Bwl turalı aqparattardı Abai.kz portalında jariyalap otırdıq. Solardıñ işinde auız toltırıp aytarı – Semey qalasındağı äuejayğa Abay Qwnanbaywlınıñ esimi berildi. Odan bölek, Semey öñirine oblıs märtebesin qaytaru turalı wsınıstar dürkin-dürkin aytılıp jattı.

Abai.kz aqparattıq portalında jariyalanğan sol wsınıstardıñ birsıpırası mine:

1. Talğat Temenov:

«Semey oblısın qayta aşsa nwr üstine nwr bolar edi»,

2. Ğabbas Qabışwlı:

«Isi qazaqtıñ ruhani besigi – Semey oblısı qalpına keltirilsin!»,

3. Orazalı Säbden:

«Abay oblısın qwru turalı».

Bwl wsınıstar QR Prezidentine, QR Ükimetine qarata aytılğanımen, qazirge deyin Aqorda men astana jaqtan resmi pikir aytılğan joq.

Abai.kz

16 pikir