Jeksenbi, 27 Qırküyek 2020
COVID-19 QAZAQSTANDA. Jwqtırğandar — 107659. Jazılğandar — 102530. Qaytıs bolğandar — 1699
46 - söz 1128 1 pikir 5 Tamız, 2020 sağat 14:24

Reset neden bastaladı?

Karantin şaraların jeñildetu saldarınan AQŞ-tıñ keybir ştattarında koronavirusqa şaldıqqandardıñ sanı artıp keledi. Mwnday jağday bedeldi ğalımdardıñ keñesin elemegen federaldı ükimettiñ sapasız şeşimderiniñ nätijesinde bolıp otır. Pandemiya bastalğalı Tramp mıñ qwbılıp, san türli jalğan aqparat ayttı. Kommunikaciya mamandarı Tramp äkimşiligi messedj taratu disciplinasınıñ barlıq erejelerin bwzıp, beytarap, ob'ektiv aqparat bermey, halıqtı pozitiv jañalıq taratu wstanımımen äbden şatastırğanın aytıp jatır.

Aq üydiñ pandemiya boyınşa keñesşisi Debra Briks osı künge deyin federaldı ükimettiñ ötirigin ğılımi tilmen aytıp keldi. Öziniñ ğalım retindegi bedelin paydalanıp, Tramptıñ pozitiv jañalıq taratu wstanımınıñ ruporı boldı. Bir qızığı, doktor Briks keşe basqaşa söyledi. Ol tikeley bolmasa da, CNN-ge bergen swqbatında evfemizmdermen Tramp äkimşiliginiñ koronaviruspen küreste qateleskenin moyındadı. Mwnday satqındıqqa şıday almağan Tramp öziniñ Tvitterinde doktor Briksti “beyşara” (pathetic) dep atadı.

Doktor Briks mwnday qadamğa sayasi, ğılımi ortanıñ qısımınan keyin barğan siyaqtı. Sebebi, uşığıp bara jatqan jağaydı retteu üşin soñğı künderi sayasatkerler men ğalımdar koronaviruspen küres tübegeyli jaña täsilderdi, qayta jükteudi (reset - arı qaray reset) qajet etetinin janayqaymen talap etip jür. Resetke N'yu-York ştatınıñ gubernatorı Kuomo da ün qostı. Onıñ aytuınşa, reset Tramptıñ Amerika halqına şındıqtı aytuınan bastaluı kerek. Doktor Briks te et pen süyekten jaralğan, onıñ da aralasatın adamdarı bar, ol da oylarımen jalğız qalğanda öz sözderi men isterinen wyalğısı kelmeydi dep oylaymın. Sol sebepti doktor şındıqtı bürkemelep bolsa da ayta bastağan sıñaylı.

Bizdiñ bilikke de reset auaday qajet. Halıqtıñ bilik instituttarına degen setinegen senimin qalpına keltiru üşin reset qajet. Ümiti üzilgen halıqqa senim beru üşin reset qajet. Bizdegi reset te prezidenttiñ şındıqtı aytuınan, jauapkerşilik aluınan bastaluı qajet. El basşısı retinde Toqaev jiberilgen qatelerge jauaptı ekenin moyındap, bar kinäni ministrler men äkimderge, qarapayım halıqqa ısıra saluın toqtatuı qajet. “Take the blame, share the credit”* degen köşbasşılıqtıñ qarapayım qağidasın wstanğannan basşı abıroyınan ayırılıp qalmaydı.

*qateni moyında (tipti seniñ qateñ bolmasa da), jetistikti bölis

Nwrbek Matjanidıñ jazbası

Abai.kz

1 pikir