Beysenbi, 1 Qazan 2020
COVID-19 QAZAQSTANDA. Júqtyrghandar — 107979. Jazylghandar — 102937. Qaytys bolghandar — 1725
Keshe men býgin 1001 9 pikir 4 Tamyz, 2020 saghat 17:03

Yaushevter jәne Mariya Shoqay

III bólim

Zamanynda aghayyndy Yaushevter Qostanayda sauda ýyin ashu, meshit salu bastamalaryn kóteruimen qatar, qazaqtyn azattyq kýresi men ruhaniy dýniyesinde jarqyn iz qaldyrghan túlghalargha kómektesip túrady. Mysaly, Yaushevterdin qazaq baspasózinin negizin qalaushylardyn biri M.Seralinge Troiskide "Ayqap" jurnalyn shygharu júmystaryna jәrdem bergeni biraz júrtqa belgili. Qazaqtyn ziyalylary bilim alghan IY.Gasparaly negizin qalaghan jadidtik baghyttaghy tatar medreseleri men mektepterine aghayyndy Yaushevter qamqorlyq jasap, túraqty týrde qarjylay kómek kórsetip otyrghan. Olardyn Resey músylmandarynyn bas qosu jiyndaryn (siyezderin) ótkizuge de jәrdemderi tiygen edi.

Torghay oblysynyn general-gubernatory «tashkenttik kópes» dep tanityn Yaushevter Tashkent gimnaziyasynda bilim alghan, tónkeris kelgen alasapyran zamanda Týrkistan avtonomiyasyn qúrghan Alash kósemderinin biri Mústafa Shoqaymen jaqsy tanys bolghandyghy, oghan tikeley jәrdemdeskeni de bayqalady. Múny biz M.Shoqaydyn júbayy Mariya Yakovlevnanyn «Menin Mústafam» atty esteliginen kóre alamyz (Marhabbat: Shoqay M. Tandamaly. - Almaty: Qaynar. T.2-1999.-520 bet).

Týrkistan avtonomiyasy bәlshebekterdin qandy qaruymen qúlatylghannan keyin Mústafa Shoqay Tashkentten jasyryn týrde qashyp shyghyp, shetelge bet alady. Mine, sol qiyn-qystau, qauipti jolda saparda Mariya Yakovlevna Shoqay Yaushevterdin Troiskidegi ýyin panalaydy. Estelikte olardyn 1918 jyldyn jeltoqsan ayynda Chelyabiden ekige ayyrylyp, Mariya Troiskige baryp, Yaushevterde jasyrynuy tiyis bolghany bayandalady. Búl oqighany estelik avtory bylaysha suretteydi:

«Jeltoqsannyn 24-i kýni Chaykinnin eki adamy keldi. Mústafa olar arqyly maghan eki týbit oramal jәne ayu terisinen tigilgen ton jiberipti. Býgin keshkisin solarmen Troiskige ketuim kerek» (434 bet).

Búdan әri Mariya kóp qiyndyqtarmen Troiskige jetkenin ayta kelip: «...Búl adam meni saudager tatar Yaushevke alyp baratyn arbakeshke tapsyrdy. Troiskidegi Yaushevterdin ýyinde Mústafadan kelgen hat bar eken, syrtynda onyn Orynbordaghy meken-jayy da jazuly edi. ...Yaushevterdin meni onsha jaqtyrmaghany belgili edi. Kelinderi Mariyamdy búrynnan tanitynmyn, tashkenttik general Eniykeevtin qyzy bolatyn. Bir kýni ol maghan «Qayyn atam sizdin erterek ketuinizdi qalaydy, ózderi de jaqynda búl jerden qashpaqshy, jaghday óte qorqynyshty» dedi. Menin onsyz da ketkim kep jýrgen, biraq jalghyz ózim Orynborgha deyin attardy qalay jegip, qalay jetetinimdi bilmey dal boldym. Mústafa hatynda mektepte birge oqyghan joldasynyn adresin jazghan-tyn. Ol adamnyn Troiskide dәrihanasy bar bolatyn, biraq men Mústafanyn ne ýshin búl adresti bergenin de týsine almadym. Ol tatarlar orystardy jaqtyrmaytynyn da biletin, úmytty ma, әlde әdeyi istedi me eken dep oyladym. Óytken men Yaushevter ýshin kýtpegen hristian qonaqpyn (Mústafa - músylman. Onyn qyzdarynyn birine ýylenuine de bolatyn edi, tipti Yaushevterdin de boyjetken qyzdary bar bolatyn. Solay bola túra orys әyelge ýylendi jәne әyelin bizdin ýyge әkelip ornalastyrdy dep oylaulary da әbden mýmkin edi)» (435 bet).

Mariya Shoqay Troiskiden Orski arqyly qaytadan Orynborgha baryp, odan Atyrau arqyly Kaspiy portynan ótip, Baku asady. Bakuden poyyzgha otyryp Tiblisiyge barady. Mústafa ony sol jerden kýtip alady. Odan arghy sapar -  alys shetelge emigrasiya.

Mariya Shoqay «tashkenttik generaldyn Sahiyb-Kerey Eniykevtin qyzy» dep ataytyn Yaushevtin kelini Mariyam kópestin Hasan atty úlynyn júbayy edi. Zertteushiler tarapynan Hasan Mullaghaliyúly Yaushev 1937 jyly aty-shuly 58 bappen ayyptalyp, sottalady, al «halyq jauynyn» júbayy atanghan Mariya da 10 jylgha jer audarylady. Hasan Yaushev sottalghannan keyin bir jyldan son qaytys bolady, al Mariyam habar-osharsyz ketti dep jazylyp jýr. 

Mine, tarihta osynday jaghdaylar oryn alghan. Yaushevterdin qazaqtyn arda azamaty Mústafa Shoqaydyn júbayyna uaqytsha bolsa da pana berip, qoldau kórsetkeni – Resey patshalyghy túsyndaghy týrki halyqtarynyn birligin kórsetetin rәmizdi oqigha. Týrkistan avtonomiyasynyn negizin qalap, týrki halyqtarynyn azattyghy ýshin ómirinin sonyna deyin emigrasiyada bolyp ymyrasyz sayasiy kýres jýrgizgen M. Shoqaydy eske alghan qazaq balasy Alash ardaqtysy qughynshylyqta jýrip qysylghanda qol úshyn sozyp, jәrdem bergen Yaushevterdi de úmytpaytyny anyq. «Taryday qayrymdylyqtyn tauday sauaby bar» degen tәmsildin mәn-maghynasy osynday oqighalardan týziletin bolsa kerek!

Zamanynyn bay-baghylany, qogham qayratkeri aghayyndy Yaushevterdin Qostanayda meshit salugha múryndyq bolyp, qazaqtyn ruhaniy jәne sayasiy maydanda qyzmet atqarghan Alash qayratkerine kómek, qoldau kórsetken oqighalary, týrki halyqtarynyn birligine jasaghan qyzmetteri – tarihiy sabaqtastyghy teren taghylym. Ony bizge bilu – paryz әri qaryz.

I bólim: Aghayyndy Yaushevter jәne týrki birliginen birer sóz...

II bólim: Múraghat qorjyny: Derek pen payym

Almasbek Ábsadyq,

Qostanay.

Abai.kz

9 pikir