Jeksenbi, 27 Qırküyek 2020
COVID-19 QAZAQSTANDA. Jwqtırğandar — 107659. Jazılğandar — 102530. Qaytıs bolğandar — 1699
2231 0 pikir 3 Tamız, 2020 sağat 12:43

Densaulıq kodeksi. 2021 jıldan bastap qanday özgerister boladı?

Qazaqstan Respublikasınıñ Twñğış Prezidenti, Elbası Nwrswltan Äbişwlı Nazarbaev el twrğındarınıñ salauattı ömir saltın wstanuı kerek ekenin ünemi talap etedi. Elbasınıñ talabına say elimizde salauattı ömir saltın wstanau negizderi qalıptasıp, ärbir qazaqstandıq azamat onı bastı nazarda wstap otır.

Ekonomikası damığan, sayasi ahualı twraqtı, twrğındarnıñ äleumettik jağdayı jaqsı, halıqtıñ densaulığı mığım damığan otız eldiñ qatarına kiru – bizdiñ eldiñ bastı maqsatı. Sol maqsatqa jetu üşin ükimet pen halıq birlese jwmıs istep kele jatqanı köp jıldar boldı. Damığan eldiñ bastı körsetkişteriniñ biri retinde el twrğındarınıñ ömir saltı men twrmıs-tirşiliginiñ joğarı deñgeyde bolğanın atauğa boladı. Azamattardıñ densaulığı, ömir süru jasınıñ wzaqtığı salauattı ömir saltın wstanuğa tikeley qatıstı.

Salauattı ömir saltın näsihattau üşin bükil el köleminde sport nısandarı köptep salınıp, bwqaralıq sport türelri qarıştap damıp keledi. Sonday-aq, twrğındardıñ äleumettik jağdayın jaqsartıp, salauattı ömir saltın wstanuına mümkindik jasalıp otır.

Salauattı ömir saltın wstanudıñ tağı bir jolı – azamattardıñ densaulıqqa ziyandı önimderden barınşa bas tartuında. Sol üşin de Qazaqstanda alkogol' meg temeki önimderin twtınuına barınşa toqtau qoyu wsınılıp otır. Elimizde aldağı uaqıtta alkogol' önimderi men temeki satudıñ erejeleri özgerui mümki. Mwnıñ bastı qajettiligi azamattardıñ densaulıqqa ziyandı ädetterden bas tartuğa jeteleu bolıp tabıladı.

Jaqında jariyalanğan aqparatqa süyensek, twrğındardıñ densaulığı men densaulıq saqtau jüyesi jaylı jaña kodeks qoldanısqa enedi. Jaña zañnamağa say, dükendegi satuşılar, alkogol' jäne temeki satıp almaqşı bolğan azamattardıñ bärinen jeke basın kualandıratın qwjattı talap etui kerek. Bwl talap satıp aluşılardıñ jas erekşeligien qaramaydı, satıp aluşınıñ jas mölşeri kamelet jasına tolsa da jeke kuäligin körsetuge mindetti.

Halıq densaulığı jäne densaulıq saqtau jüyesi turalı jaña kodekstiñ 110-şi babına bılay dep körsetilgen: «Eger jeke bastı kuälandıratın qwjat körsetilmese, temeki bwyımdarın, onıñ işinde qızdırılatın temekisi bar bwyımdardı, qorqorğa arnalğan temekini, qorqor qospasın, temeki qızdıruğa arnalğan jüyelerdi, twtınudıñ elektrondıq jüyelerin jäne olarğa arnalğan swyıqtıqtardı satudan bas tartuğa mindetti».

Sonımen qatar atalağan baptıñ on segizinşi tarmağında bwl erejege alkogol' önimderi de kiretini körsetilgen. Demek jaña kodekske say, alkagol' jäne temeki önimderin satıp alu üşin ärbir azamat jeke bastı kualandıratın jeke qwjattı özimen birge alıp jüru kerek.

Al temeki önimderin, sonıñ işinde qorqor qospasın, qorqorğa arnalğan temekini jäne qızdırılatın temekisi bar önimderdi, sonımen qatar temekini qızdıruğa arnalğan jüyelerdi jiırma bir jasqa tolmağan azamattardıñ satıp aluına bolmaydı. Sonday-aq, twtınudıñ elektrondıq jüyelerin, olardı paydalanuğa arnalğan swyıqtıqtardı da jiırma bir jastan asqan azamattarğa ğana satuğa rwqsat etilgen. Ayta keterigi, joğarıda atalğan önimderdi on segiz jasqa deyingi azamattardıñ satuına tiım salınğan bolatın.

Jaña erejege say, 2021 jıldıñ birinşi şildesinen bastap qorqor qospasın, qorqorğa arnalğan temekini jäne qızdırılatın temekisi bar önimderdi, sonımen qatar temekini qızdıruğa arnalğan jüyelerdi jäne elektrondıq temekilerdi şığaruğa tiım salınadı jäne ol önimderdi aşıq körsetip satuğa da zañ boyınşa tiım salınğan. Halıq densaulığı jäne densaulıq saqtau jüyesi turalı jaña kodekstiñ 110-baptıñ ekinşi tarmağı on altınşı tarmaqşasında osınday talap körsetilgen.

Elbası Nwrswltan Nazarbaevtiñ Joldaularında, ündeulerinde aytılğan azamattardıñ salauattı ömir saltın wstanu kerek degen talabı jaylı joğarıda ayttıq. Damığan otız eldiñ qatarına enudi maqsat twtatın Täuelsiz Qazaqstan wstanuı tiis bastı şarttardıñ biri, halıqtıñ äleumettik jağdayımen qatar, densaulığı, ömir saltı da joğarı deñgeyde bolğanı dwrıs. Sol üşin de jaña kodekske engizilgen alkagol' önimderi men temeki önimderin satudıñ jaña erejeleri orındı dep esepteymiz.

Abai.kz

0 pikir