Senbi, 19 Qırküyek 2020
COVID-19 QAZAQSTANDA. Jwqtırğandar — 107199. Jazılğandar — 101822. Qaytıs bolğandar — 1671
967 0 pikir 30 Şilde, 2020 sağat 11:43

Mäskeude qazaqstandıq studentti öltirdi degen küdikpen Dağıstannıñ eks-prem'eriniñ wlı wstaldı

Mäskeu Basman audandıq sotı Dağıstannıñ bwrınğı ükimet basşısı Mwhtar Medjidovtiñ wlı Murtuzalidi qazaqstandıq MGIMO studenti bolğan Tomiris Baysafudıñ ölimine küdikti retinde eki ayğa qamau turalı şeşim şığardı.

Qaza tapqan qızdıñ anası Janna Ahmetova instagram paraqşasında dağıstandıqtı qamauğa alğanı üşin Qazaqstan prezidenti Qasım-Jomart Toqaevqa, Resey Tergeu komitetiniñ jetekşisi Aleksandr Bastrıkinge alğısın jetkizgen.

"Bizdiñ prezident älemde bärin satıp aluğa bolmaytının, jauaptılar jazasız ketpeytinin körsetti! Eldiñ birinşi basşısı qarapayım adamdardıñ ötinişine qwlaq asqanı ülken qwrmetke layıq! Prezident, sizge raqmet!" – dep jazdı.

21 jastağı MGIMO studenti 2018 jıldıñ kökteminde oqu ornı ğimaratınıñ törtinşi qabatınan qwlap ketken. Ol auruhanağa tüsip, biraq 3 mamırda köz jwmğan. Sol kezde "Ölimge deyin jetkizdi" degen bap boyınşa qılmıstıq is qozğalğan. Joğarı oqu ornınıñ baspasöz qızmeti mwnı jazatayım oqiğa dep mälimdegen. Biraq kuägerdiñ biri onı terezeden iterip jibergenin aytqan. Onıñ aytuınşa, terezeden itermes bwrın, qızdı wrğan.

Murtuzali Medjidov marqwmmen birge oqığan. Keybir mälimetter boyınşa, ekeui kezdesip jürgen. Onı 29 şildede wstadı. Äzirge oğan eşqanday ayıp tağılmağan.

Qazaqstannıñ Adam qwqıqtarı jönindegi uäkili reseylik äriptesi Tat'yana Moskal'kovağa isti jeke baqılauına aluın ötingen.

Abai.kz

0 pikir