Týrkistan oblysynda ýsh jyldan astam jabyq túrghan Yasauy kesenesining kýmbezin qayta janartu júmystary ayaqtaldy. Búl turaly Týrkistan oblysy ónirlik kommunikasiya qyzmeti mәlimdedi. 

Ýsh jyldan beri jabyq túrghan kesene kýmbezin janartu júmystary ayaqtaldy. Kýmbezding tarihy kelbeti saqtalyp, jeldetkish qabattary retke keltirildi. Qazir kýmbez etegindegi segiz qyrmen qosylghan jerinde gidrooqshaulau júmystary ayaqtalugha jaqyn.

Kýmbezdi qayta qalpyna keltiru júmystary oblys әkimi Ó.Shókeevting jiti qadaghalauymen Mәdeniyet jәne sport ministrligimen birlese jýrgizilude.
«Áziret Súltan» memlekettik tarihiy-mәdeny qoryq-muzeyi aumaghyndaghy tarihy oryndarda qayta qalpyna keltiru júmystary, ortaghasyrlyq Kýltóbe qalashyghy, Han ordasy men meshiti ornalasqan magistraldy kóshe boyynda arheologiyalyq qazba júmystary qarqyndy jýrip jatyr.
Al Kýltóbe qalashyghyndaghy qazba júmystarynyng nәtiyjesi boyynsha 2019 jyly 5000-nan asa bizding eramyzgha deyingi 1 ghasyrda jasalghan ejelgi altyn búiymdar tabylghan.

Búdan bólek, Qoja Ahmet Yasauy kesenesining aldynda turister demalatyn, qalyng bau-baqshaly selfi-aymaq jasaqtalady. Tarihy nysannyng «Taqiya qaqpasy» manynda qazba júmystary jýrgizilip, tabylghan jәdigerler turister kóz quanyshyna ainalmaq.

Sonday-aq, B.Sattarhanov danghyly aumaghynda etnoauyl salynuda.
Atap óteyik, Qoja Ahmet Yasauy kesenesinde atqarylghan júmystardyng barlyghy YuNESKO-men kelise otyryp jýrgizilude. Kesenedegi qayta qalpyna keltiru júmystarymen Qazaqstan Respublikasy Mәdeniyet jәne sport ministrligi Mәdeniyet jәne óner isteri departamentining diyrektory Kýmis Seyitova da kelip tanysty.

Abai.kz