Qazaqstanda memlekettik qyzmetke ornalasu boyynsha konkurs endi 2 kezenmen ótkiziledi. Búl turaly Memlekettik qyzmet isteri agenttigining baspasóz qyzmeti habarlaydy.

Memleket basshysy qol qoyghan «Qazaqstan Respublikasynyng keybir zannamalyq aktilerine memlekettik qyzmet mәseleleri boyynsha ózgerister men tolyqtyrular engizu turaly» Qazaqstan Respublikasynyng Zany negizinde «Qazaqstan Respublikasynyng memlekettik qyzmeti turaly» Zanyna týzetuler engizildi.

Engizilgen týzetulerge sәikes, barlyq memlekettik organdardyng qyzmetkerleri arasynda ótetin ishki konkurs jalpy konkurspen biriktirilgen. Ózgerister 2020 jyldyng 17 shildesinen bastap kýshine endi.

Búghan deyin memlekettik organdar konkurstardyng ýsh týrin jýieli týrde ótkizip keldi. Olar: memlekettik organnyng óz qyzmetkerleri arasyndaghy konkurs, barlyq memlekettik qyzmetkerler arasyndaghy konkurs jәne barlyq azamattar arasyndaghy jalpy konkurs.

Óz kezeginde, búl janashyldyq memlekettik organdardyng bos lauazymdaryn uaqyt sozbay toltyrugha yqpal etedi.

Búdan bólek, atalghan janashyldyq strategiyalyq maqsattargha qol jetkizu ýshin kadrlyq sheshimder qabyldauda memlekettik organdardyng útqyrlyghyn arttyrugha septigin tiygizedi.

Osynyng aldynda konkurstardyng ýsh týrin ótkizu bos oryndardy toltyru ýshin kóp uaqytty talap etetin. Bos lauazymdargha ornalasu konkurstarynyng barlyq kezenderin ótkizu ýshin 50 júmys kýnine deyin sozylatyn, al qazirgi uaqytta búl rәsim 15 júmys kýnine deyin qysqartyldy.

Atalghan tәsil jýiening mansaptyq modelin búzbaydy, al oghan ýlken útqyrlyq beredi jәne tútastay alghanda, jeke sektordan talantty mamandardy tartu prosesin jedeldetuge mýmkindik beredi.

Sonymen qatar, memlekettik qyzmetshilerding jalpy konkurstargha qatysu tәrtibi jenildetildi. Ótken jyldyng qarasha aiynda Zangha memlekettik qyzmetkerlerdi jalpy konkursqa qatysu kezinde testileuden ótuden bosatatyn týzetuler engizildi.

Osylaysha, memlekettik qyzmetshiler endi jalpy konkurstargha jalpy negizde emes, ishki konkursqa úqsas jenildetilgen tәrtip boyynsha qatysady. Osyghan baylanysty, konkurs kezenderin qysqartu meritokratiya qaghidattaryna teris әser etpeydi.

Abai.kz