Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4669. Qaytıs bolğandar — 37
Jañalıqtar 1541 0 pikir 4 Jeltoqsan, 2011 sağat 12:18

Irısbek Däbey. Ruh bostandığı

Uaqıt köşi jıljığan sayın Mwqağali Maqataevtıñ bizge beymälim qwpiyası kürdeli de sırlı qalpınan jazbay, asqaqtay tüspese, «bärin bildik, tüydik» dep esepteuge äues pendelik sanağa sıyatın türi joq. Aqiıq aqın özi de onı közi tirisinde eskertken edi. «Mäñgilikke özimmen ala ketken, meniñ näzik janımdı kim tüsiner!?».  Qazaq ädebietiniñ altın bosağasın attağan kez-kelgen qalam iesiniñ şarq wrıp şeşimin izdeytin jwmbağı da osı bolmaq. «Nege?» deytini joq, aqiqatı solay. Anığında Mwqañ twspaldağan «meniñ näzik janım» - qazaq ädebietiniñ bükil bolmıs-bitimi. Bwnday jauapkerşiligi ülken Wlı Sözdi aytu - mıñ jılda bir tuatın Mwqağali sekildi arıstarğa ğana bwyırıptı da, onıñ mäni men mazmwnına boylau keyingilerdiñ peşenesine jazılıptı. Tübi tereñ jwmbaqtıñ qaltarısın qanşalıqtı süze aldıq? Ol - bügingi ädebiettiñ köterilgen keñistigi, qazaq janınıñ äuelgi estetikalıq talğamına talpınısı bolmaq edi. Ökinişke qaray, ol biiktiñ aldırta qoyatınday oñay soqpağı közge şalınıp twrğan joq. Arğı zamandı aytpağan künde de, Abaydan keyingi Şäkärim, Mağjan, İliyas, Säken, Qasım, Mwqağali, Jwmeken, Tölegen sekildi alıptar qalamı tudırğan swrapıl energiyanı oñdı-soldı şaşıp, «zamanğa jaman bop küylegen» estandı halimizge ne deyik?.. Oljas Süleymenovtiñ: «Şekspir qwbılısı bolmasa, ağılşın stanogi düniege kelmes edi», - degenin qaperge alsaq, aytpağımızdıñ astarı su betine qalqıp şığadı.

Uaqıt köşi jıljığan sayın Mwqağali Maqataevtıñ bizge beymälim qwpiyası kürdeli de sırlı qalpınan jazbay, asqaqtay tüspese, «bärin bildik, tüydik» dep esepteuge äues pendelik sanağa sıyatın türi joq. Aqiıq aqın özi de onı közi tirisinde eskertken edi. «Mäñgilikke özimmen ala ketken, meniñ näzik janımdı kim tüsiner!?».  Qazaq ädebietiniñ altın bosağasın attağan kez-kelgen qalam iesiniñ şarq wrıp şeşimin izdeytin jwmbağı da osı bolmaq. «Nege?» deytini joq, aqiqatı solay. Anığında Mwqañ twspaldağan «meniñ näzik janım» - qazaq ädebietiniñ bükil bolmıs-bitimi. Bwnday jauapkerşiligi ülken Wlı Sözdi aytu - mıñ jılda bir tuatın Mwqağali sekildi arıstarğa ğana bwyırıptı da, onıñ mäni men mazmwnına boylau keyingilerdiñ peşenesine jazılıptı. Tübi tereñ jwmbaqtıñ qaltarısın qanşalıqtı süze aldıq? Ol - bügingi ädebiettiñ köterilgen keñistigi, qazaq janınıñ äuelgi estetikalıq talğamına talpınısı bolmaq edi. Ökinişke qaray, ol biiktiñ aldırta qoyatınday oñay soqpağı közge şalınıp twrğan joq. Arğı zamandı aytpağan künde de, Abaydan keyingi Şäkärim, Mağjan, İliyas, Säken, Qasım, Mwqağali, Jwmeken, Tölegen sekildi alıptar qalamı tudırğan swrapıl energiyanı oñdı-soldı şaşıp, «zamanğa jaman bop küylegen» estandı halimizge ne deyik?.. Oljas Süleymenovtiñ: «Şekspir qwbılısı bolmasa, ağılşın stanogi düniege kelmes edi», - degenin qaperge alsaq, aytpağımızdıñ astarı su betine qalqıp şığadı. Keşegi keñestik ker zamanda Mwqañ bwl sırdı aşıq ayttı:

Qazınam bar.

Qisapsız şekteledi.

Qızğanadı bireuler, jek köredi.

Bermeymin de, satpaymın, körsetpeymin!

Alam deseñ,

Aldımen zertte meni...

Mwqağali qwbılısın biz qanşalıqtı igiligimizge jarata aldıq? Mäsele osında. Öleñ men ömir ara qatınasındağı degdar jwrttıñ Kün astındağı jarqın bolaşağın qalıptastıra alğan sätte  Mwqañnıñ barlıq qwpiyası - «mäñgilikke özimen ala ketken» asılına jaqındaymız. Mwqağalidı mıñ jıldıqtarğa qwlaş wratın aqın deytin säuegeyligimizdiñ özegi osı boluı kerek. Al qazaq nwrlı keleşekke senetin halıq. Qısqası, wlt retinde qanşalıqtı sapalıq deñgeyge köterile alsaq,  Mwqağali poeziyası bügingi bizdiñ estetikalıq läzzatpen ğana şektelgen keñistigimizden de aspanday tüseri haq. Jaratuşı Iem wlttıñ qwpiya kodın sanaulı ğana adamdardıñ biluine mümkindik beripti. Wlt retinde ösudiñ bwralañ jolı - äulielik bwyırğan twlğalar amanatın äspetteumen ğana şektelgen «sorı qalıñ soqqı jegen peşenemizge» jazılmağan...

«Abay-aqparat»

0 pikir