Beysenbi, 13 Tamız 2020
COVID-19 QAZAQSTANDA. Jwqtırğandar — 101372. Jazılğandar — 76756. Qaytıs bolğandar — 1269
46 - söz 2036 12 pikir 15 Şilde, 2020 sağat 14:42

Bizge V'etnam, Oñtüstik Koreya, Japoniyadan keñesşiler şaqıru kerek

V'etnamda 100 mln halıq twradı, adam sığımdılığı öte joğarı, territoriyası şağın. Osı elde täjtajalmen bar joğı 372 adam auırğan, barlığı jazılıp şıqqan, birde - bir qayğılı jağday joq. "V'etnam ğajabı" dese de boladı. Öytkeni, Qıtaymen, äsirese Uhan'men ekonomikalıq qatınası tereñ, barıs - kelis köp. Bizge basqa eldermen qatar, V'etnamnıñ da täjiribesin zerttep, olardan ülgi alu kerek şığar.

Biz (nelikten ekendigin bilmeymin) atı şulı, özderi problemasın şeşe almay jatqan elderden kömek swrauğa dayın twramız.

Al qazir, bizge V'etnam, Oñtüstik Koreya, Japoniyadan keñesşiler şaqıru kerek dep esepteymin.

Bwl elderdiñ bir erekşeligi, temirdey tärtip, adamdar Ökimettiñ aytqanın eki etpeydi. Tolığımen orındaydı. Onda, halqımızdı osınday tärtipke baulıp, üyretu kerek.

Biz Japoniya tärizdi ömir sürgimiz keledi, sol ömir sürudiñ zañdılıqtarın orındağımız kelmeydi.

Ökimetke naqtı wsınıs, osı elderden keñesşilerdi şaqırıp, olardıñ praktikasın zerdeley otırıp, salıstıru arqılı, halıqqa tüsindiru jwmıstarın jürgizu kerek.

Öytkeni, küzde öte kürdeli jağday boluı ıqtimal. Uaqıttı bostan bosqa ötkizip almayıq.

Erlan Sairovtıñ jazbası

Abai.kz

12 pikir