Düysenbi, 10 Tamız 2020
COVID-19 QAZAQSTANDA. Jwqtırğandar — 99442. Jazılğandar — 72523. Qaytıs bolğandar — 1058
561 1 pikir 15 Şilde, 2020 sağat 14:28

DDSW basşısı: Viruspen küresti dwrıs wyımdastıra almağan elderde indet örşidi

Düniejüzilik densaulıq saqtau wyımı virustan dwrıstap qorğanbasa, koronavirus pandemiyası örşi beredi dep sanaydı.

Wyım basşısı Tedros Adhanom Gebreyesus “tım köp memleket bwrıs bağıtta ketti” dedi. Onıñ sözinşe, koronaviruspen kürestiñ tekserilgen täsilderi ne mülde qoldanılmağan ne layıqtı türde iske aspağan elderde indet örşip baradı.

“Virus – qoğamnıñ äli de nömiri birinşi jauı. Biraq köp ükimettiñ jäne halıqtıñ äreketi osı qauiptiñ eskerilmey otırğanın körsetedi. Virustıñ jalğız maqsatı – infekciya jwqtıratın adam tabu” dedi Gebreyesus.

DDSW basşısınıñ sözinşe, el basşılarınıñ qayşılıqqa tolı mälimdemeleri koronavirusqa qarsı küreste eñ mañızdı sanalatın senimniñ joğaluına äkeldi.

“Ükimet halıqpen dwrıs baylanıs ornatpasa, halıq virustan qorğanudıñ negizgi şarttarın wstanbasa, bir ğana jol bar. Pandemiyağa qatıstı jağday qiındağan üstine qiınday beredi” dedi ol.

Virustan qorğanudıñ negizgi şarttarı – qaşıqtıqtı wstanu, qoldı jii juu, şıntaqqa tüşkiru jäne maska tağu dedi Gebreyesus.

İndet älemniñ basqa öñirlerine qarağanda Soltüstik jäne Oñtüstik Amerikada qattı örşip jatır. Koronavirus infekciyasın jwqtırğandar 3,3 million adamnan asqan AQŞ-ta soñğı künderi densaulıq saqtau mamandarı men prezident Donal'd Tramp arası şielenisip baradı. Djons Hopkins universitetiniñ mälimeti boyınşa, AQŞ-ta 135 mıñnan asa adam COVID-19 dertinen qaytıs bolğan.

Abai.kz

1 pikir