Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
Özekti 644 5 pikir 15 Şilde, 2020 sağat 14:33

Epidemiologiya ğılımi-zertteu institutın qayta aşu kerek!

Suret Azattıq saytınan alındı

1925 jılı Qazaqstanda medicina salasındağı twñğış ğılımi-zertteu mekemesi - Sanitarlıq-bakteriologiya institutı qwrıldı. HH ğasır basında elde oqtın-oqtın örşip twrğan şeşek, tırısqaq, qızılşa jäne basqa jwqpalı aurulardıñ oşağın joyğan osı institut qızmetkerleri bolatın. Institut ğalımdarı eldi aralap türli virustıq aurulardı zerttep, emin anıqtauğa, vakcinalauğa köp üles qosqan.

Al Qazaqstan Ğılım akademiyasınıñ Tropikalıq aurular institutı 1944 jılı qwrıldı. Bwl institut elimizde mal şaruaşılığı basım bolğandıqtan brucellez, eñbek gigienası men patologiyası, parazitologiya, işek auruların zerttegen.

Semeydegi atom poligonınıñ halıq densaulığına äserin eñ birinşi zerttegen de osı institut. Ataqtı ğalım Baqiya Atşabarov sol zertteumen aynalısqan.

Bwdan bölek KSRO kezinde Qazaqstanda Gigiena jäne käsibi aurular ğılımi zertteu institutı bolğan.

Mine, osınday irgeli ğılımi mektebi qalıptasqan instituttar 1990 jıldarı jabılıp, sol kezdegi densaulıq saqtau agenttigine qarastı Gigiena jäne epidemiologiya ğılımi ortalığı bolıp qwrıldı. Oñtaylandıru bwl salanı da oñdırmadı söytip.

Qazirgi tañda elimizde jeke epidemiologiya ğılımi-zertteu institutı da, virusologiya ortalığı da joq (zerthana bar). Alğa jıljudıñ ornına keri ketip, bärin qürtıp tındıq. Jwqpalı aurudı zertteytin nağız osı mekemeler. Ğılımsız medicina damımaydı. Endi şeteldikterdiñ zertteu nätijelerine jäuteñdep otırmız.

Är eldiñ, wlttıñ özgeşeligi bar, mentalitet siyaqtı eşbir wlttıñ immuniteti de bir-birine wqsamaydı. Jeke institut bolsa sonıñ bärin eskere otırıp, qazirgi koronavirustı egjey-tegjeyli zertteytin edi.

Wlttıñ densaulığı - memlekettiñ qauipsizdigi! Koronavirus indeti halqımızdıñ densaulığı alañdatarlıq küyde ekenin körsetti. Sondıqtan respublikalıq deñgeyde Epidemiologiya ĞZI men Virusologiya ortalığın qaytadan aşu qajet. JOO-larda osı mamandıqtarğa granttı köbeytu kerek. Wlttı saqtağımız kelse uaqıt talabına say qimıldaytın kez keldi.

Dina Imambaeva

Abai.kz

5 pikir