QR Preziydenti Ákimshiligining basshysy

E.J.Qoshanovtyng nazaryna!

Preziydent Qasym-Jomart Toqaevtyng karantin rejiymi merzimin taghy eki aptagha sozu turaly sheshimin 100% qoldaymyn.

Birinshi, auyrghandar sanynyng artyp, ólim-jitimning kóbeyip bara jatqany, apattyng baqylaudan shyghyp kete jazdaghany jasyryn emes. Oghan Memleket basshysynyng der kezinde shara qabyldap, memlekettik komissiya qúrghanyna eshkim dau aita almasa kerek.

Biraq, Qasym-Jomart Kemelúly sol jauapty túlghalargha sәl senip qaldy. Olar ol senim men tapsyrmany óz dengeyinde atqarghan joq. Mine, jaghday ushyghyp edi, Preziydent atqa minip, qos tizgindi shalqaya tartyp, jauapty ministrdi auystyryp, әkimderge sógis jariyalady. Sóitip, pandemiyamen kýresting tamyryna qayta qan jýgire bastady. Karantin merzimin tamyzdyng basyna deyin úzartu turaly shygharylyp otyrghan myna sheshim sonyng pysyqtamasy.

Ekinshi, qajetti dәri-dәrmekting baghasy turaly. Dәri-dәrmekting jetispey jatqany shyn. Óitkeni, dәri-dәrmek salasyn basqarudyng mehanizmi dúrys jasalmaghany belgili bolyp qaldy.

Senator Múrat Baqtiyarúlynyng Facebook-taghy jeke paraqshasyndaghy jazbasyna qaraghanda, atalghan salagha qatysty normativtik qújatqa (әlde zangha) deputattar kezinde qarsy bolghan kórinedi. Biraq, ol qarsylyqtan nәtiyje shyqpaghan. Mine, sol shiyki zannyng kesirinen halqymyzdy qyryp ala jazdap otyrmyz,

Qúrmetti Erlan Jaqanúly!

Osy jerde taghy bir kýdigim bar. Mәjilis pen Ministrlikter jibergen sol zang Sizding aldynyzgha barmaghan da boluy mýmkin. Tek PA-nyng Zang bólimi taghdyryn sheshe salghan shyghar dep oilap otyrmyn, býgin.

Jaqynda ótken Ýkimetting keneytilgen mәjilisinde Preziydentting ózi de búl mәselege erekshe toqtaldy. Óitkeni, qazir búl mәselening mәn-jayyn Qasym-Jomart Kemelúly óte jaqsy týsinip otyr. Al, men Kóshi-qon zanyn talqylaugha qatysyp jýrip, zang shygharu júmysyna Preziydent Apparatynyng (PA) aralasatynyn bayqadym.

Biraz manyzdy úsynystarymnyng sol jaqtan syzylyp qalghanyn estidim.
Mysaly, «Qazaqstan Respublikasynyng azamattyghy turaly» zanynyng 16-1-babynda: «1) túru merzimine qaramastan, Qazaqstan Respublikasynyng aumaghynda zandy negizderde túraqty túratyn oralmandar;» - dep kórsetilgen.

Men Osy normadaghy «Oralmandar» degen sózdi «Etnikalyq qazaqtar» dep ózgertudi úsynghanmyn. Ol Enbek jәne halyqty әleumettik qorghau ministrligi jasaghan jobagha engen bolatyn. Al Zang jobasy Mәjiliske týskende joq bolyp shyqty. Izdeu salyp taptym. Túp-tura PA syzyp tastaghan. Keyin talqy barysynda PA-gha Mәjilis jibergen normalardyng da baghy janghan joq.

Tipti, «Qazaqstan Respublikasynda zeynetaqymen qamsyzdandyru turaly» zanynyng 13-babyndaghy QR Konstitusiyasyna qayshy norma sol kýiinde ótip ketti.

Qansha ret maqala, Ashyq hat jazdym... Tyndaghan joq. Biraq, men aityp otyrghan mәselening dúrys ekenin bildi. Alda týzetu jasalady dep senem.

Eng ókinishtisi, ol jaqta sol salamen arnayy ainalysyp jýrgen tәjiriybeli mamandardy eng qúryghanda bir mәrte bolsa da shaqyryp, sóilesu degen bolmaytyn sekildi.

Mәjilistegi júmys tobynyng talqysyna týsken, biraq, qarjy talap etetin keybir úsynystardy Ýkimetpen kelise otyryp qabyldaghan jón shyghar. Biraq, oghan PA-nyng kiylikkeni mýlde dúrys emes!

Mәjiliste 107, Senatta 47 deputat bar. Ekeuin qossanyz, 154!

Qalay degenmen de, Parlamentte әr salanyng bilikti jәne tәjiriybeli mamandary bar. Olar osynday asa manyzdy mәsele tónireginde talas-talqy jýrgizbeydi emes, jýrgizedi. Biraq, Parlament - Ýkimettin, Ýkimet -PA-nyng aldynda dәrmensiz!

Endi bildim, búryn da solay bolghan sekildi. Men bayqús Ýkimet basy bolyp jýrgen Kәrim Mәsimovty synap jýrippin ghoy. Eger, mәsele dәl osylay sheshilgen bolsa, Kәrim Qajymqanúly meni keshirsin!

Mine, býgingi pandemiya kezinde dәri-dәrmek salasynan shyqqan shugha sol zannamadaghy nemese normativtik qújattaghy shiykilik sebep bolyp otyr.

Dәri-dәrmek saudasy bir ortalyqqa tәueldi bolyp qalghan. Bәsekelestik bolmaghan jerde, sózsiz bagha sharyqtaydy... Qazaqta: «Qoyshy kóp bolsa, qoy aram óledi!», degen keremet ataly sóz bar! Sondyqtan, biylikting әr bútaghy óz sharuasymen ainalysqany dúrys. Zang shygharu júmysyna Preziydent Apparaty aralaspauy kerek!

Ýshinshi, dәri-dәrmek baghasynyng shekten tys qymbattyghy jayly. Men әleumettik jelidegi kóp baybalammen kelispeymin. Dәrihanada bar dәrini qymbatqa satyp jatqan kәsipkerler bar. Biraq, ol respublikanyng barlyq ónirinde emes, ishinara aimaqtar men qala, audandarda. Sony dәrige múqtaj bir adam aityp, beyne jazba jariyalasa, býkil jeli shyryldap qoya berdi.

Tuystar, búl - dúrys emes. Men jәne әriptesim Asqar Qúmarbay ekeumiz Saltanat Maenova atty dәrigerge qatar emdelip shyqtyq. Biraz dәri-dәrmek qabyldadyq. Biraq, sodan eshqanday qymbat bagha kórgen joqpyz.

Sol ýshin, dәri-dәrmekti qymbat baghagha satyp alghan, qolynda týbirtegi bar azamattardyng aighay saluy oryndy. Tipti, attandasa da artyqtyq etpeydi. Attanmen de toqtamay, sotqa berip, eselep moralidyq tólem óndirip aluy tiyis!

Qysqasy, dәri-dәrmek pen azyq-týlikting qoldan jasalghan qymbatshylyghymen osylay naqty faktke sýienip kýres jýrgizgen dúrys! Al, dәrihananyng esigin ashpaghan, bir tabletka satyp alyp kórmegen júrttyng sol aighaygha attan qosyp, eldi dýrliktirgeni sauattylyq әri әdilettilik emes. Auru mendep jatqan jandardyng jýikesin odan ary tozdyru, ýmitin ýzdiru, tynyshtyqty býldiru - búl!

Al, dәri-dәrmekting tapshylyghy turaly sóz - bólek mәsele! Jelide otyrghan júrttyng naqty faktpen sóilep daghdylanghany dúrys!

Qoryta kelgende, indetting bar ekenin býkil Qazaqstan halqy moyyndady jәne jәne Preziydent tiyisti shara qabyldady. Endigi sanalylyq ózimizde, aghayyn!
Tәrtipke baghynyp, saqtanyp jýreyik!

Auyt Múqiybek,

QR preziydenti janyndaghy Últtyq qoghamdyq senim kenesining mýshesi.

Abai.kz