Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
El işi... 51022 39 pikir 14 Şilde, 2020 sağat 10:43

Jaña oqu jılındağı 5 özgeris

Bügin Ükimette ötken otırısta Qazaqstannıñ Bilim jäne ğılım ministri Ashat Aymağambetov jaña oqu jılındağı özgerister turalı bayandadı.

«Ministrlik äkimdiktermen birlesip, bilim beru wyımdarın jaña oqu jılına dayındau jwmıstarın belsendi türde jürgizip jatır. Densaulıq saqtau ministrliginiñ mälimeti boyınşa, jıl sayın JRVI kezeñinde bilim aluşılardıñ 70 payızğa juığı auıradı.

Sonday-aq qazirgi uaqıtta bilim salası qızmetkerleriniñ koronavirus infekciyasın jäne basqa da virustardı jwqtıru qaupi joğarı bolıp twr. Bwl jağdayda biz üşin bastı basımdıq - balalar men pedagogterdiñ ömiri men densaulığı», - dedi Aymağambetov.

Sonımen, ministr qanday şeşim wsındı? Jaña oqu jılına qanday özgerister engizilmek? Mine qarañız:


Birinşi, şalğayda ornalasqan şağın auıldıq mektepterdi qospağanda, 1 qırküyekten bastap elimizdiñ barlıq mektebinde 1-11 sınıp oquşıları oqu jılınıñ alğaşqı toqsanın qaşıqtan oqidı.

Ekinşi, ata-analarınıñ ötinişi boyınşa, tiisti mümkinşilikke qaray, qatañ sanitarlıq şaralardı saqtay otırıp, bastauış sınıp oquşıları üşin kezekşi sınıptardıñ jwmıs isteuine mümkindik beriledi.

Bwl jağdayda sanitarlıq qauipsizdik şaraları qamtamasız etiledi. YAğni balalar tek qana bir kabinette oqidı. Üzilister ärtürli uaqıtta boladı. Kireberiste dene qızuı ölşenedi. Auanı tazartu, kvarctau jäne ılğaldau, ılğaldı tazalau rejimi küşeytiledi.

Äleumettik qaşıqtı wyımdastıru üşin oqu  10-15 baladan aspaytın toptarğa bölinedi. Mektepte oqu künderin almastıra oqıtu qarastırılıp jatır. Sonday-aq, bwl balalar üşin pänderdiñ bir böligi qaşıqtan oqıtılatın boladı.

Üşinşi, şalğayda ornalasqan şağın auıldıq mektepterde ştattıq formatta oqıtu wsınıldı. Bwl jalpı oquşılardıñ 4 payızın qwraydı. Osı kriteriylerge säykes keletin 1 934 mektep bar eken.

Törtinşi, birinşi toqsan ayaqtalğannan keyin, epidemiologiyalıq jağday twraqtaluına baylanıstı mektepterdiñ kezeñ-kezeñimen aralas oqıtu jäne ştattıq formatta oqıtu jürgiziletin boladı. Bwl mäseleni de qarastıramız. Tiisti strategiya dayın.

Besinşi, üyde oqıtudıñ eñ osal toptarı - erekşe bilimdi qajet etetin balalar, kirisi tömen otbasılardıñ balaları jäne bastauış sınıptıñ oquşıları bolğandıqtan, biz naqtı osı osal sanattağı balalarğa inklyuzivti jäne qoljetimdi bilim berudi qamtamasız etudi arnayı qolğa alatın bolamız.

Ashat Aymağambetov, ministr.


Qosımşa:

Mektep forması mindetti emes

Kompensaciya mnogodetnoy sem'e dlya pokupki şkol'noy formı v 2019 ...

«Biz qazir mektep formasına qatıstı bilim ministriniñ bwyrığına özgerister engizdik.  Eki närse ataldı: birinşi, mektep forması solay qaladı. Onı alıp tastamadıq. Biraq oğan qosımşa tarmaq qostıq. Onda bılay jazılğan: tötenşe jağday kezinde, fors-major nemese basqa da şekteu şaraları bolğan kezde, bilim beru mekemelerine bekitilgen mektep formasın kimey, taza, klassikalıq kiimmen keluge boladı.

Tipti birinşi toqsannan keyin dästürli oqu formasına auıssaq ta, mektepte eşkim ata-analardan mektep formasın satıp aluı kerek dep talap etpeydi», - dedi ministr.

JOO studenetteri qaşıqtan oqidı

Qaşıqtan oqıtu: oquşılar qajet qwraldarmen qamtamasız etiledi ...

«Kolledjder oqu jılın qaşıqtan oqu formatında bastaydı. Eger epidemiologiyalıq jağday qolaylı bolsa, onda dästürli formatta oqıtudı wyımdastıruğa mümkindik beremiz.

Joğarı bilim boyınşa oqıtu qaşıqtan oqıtu formatında wyımdastırıladı.

Dästürli format arnayı jeke keste boyınşa, zerthanalıq jwmıstar, doktorantura, öndiristik oqıtu, käsibi täjiribe üşin wyımdastırıladı», - dedi Aymağambetov.

Balabaqşalar jwmıs istemeydi

Arıs balaları Burabayda tegin demalatın boladı - Qazaqstan jäne ...

«Qazirgi tañday, karantin merzimi wzartıldı. Soğan säykes, mektepke deyingi mekemeler jwmısı toqtatıldı. Epidemiologiyalıq jağdayğa baylanıstı kezekşi toptardıñ jwmısına qatıstı şeşim qabıldanadı. Biz bwl mäselege mwqiyat atsalısamız. Äueli balalardıñ qauipsizdigin qamtamasız etu mañızdı», - dedi ministr.

Abai.kz

39 pikir