Beysenbi, 6 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
463 0 pikir 14 Şilde, 2020 sağat 10:09

Qırğızstanda "Saylauğa boykot" akciyasına şıqqan üş azamat wstaldı

13 şildede "Saylauğa boykot" akciyasına şıqqan üş azamat wstalıp, olardıñ üstinen bilikti basıp aluğa aşıq şaqırdı degen bap boyınşa tergeu bastağan. Bwl jöninde Qırğızstannıñ işki ister ministrliginiñ baspasöz qızmeti habarladı.

Onda İİM tergeu qızmeti bilikti basıp aluğa şaqırğan üş fakt boyınşa tergeu bastağanı aytıladı:

"16 mausımda WhatsApp messendjer men äleumettik jeli arqılı belgisiz adam azamattardı 1 şildede Jogorku Keñeş ğimaratı janına jinalıp, qazirgi bilikti qwlatuğa şaqırğan audiojazba tarattı;

17 mausımda WhatsApp messendjerindegi "Çon-Kazat" tobındağı bir adam "Aq üydi 120 deputatpen qosa örtep jiberu kerek" degen audiojazba taratqan;

6 şildede Facebook qoldanuşısı M. A. degen azamat 5G qaupin aytıp, Kavkaz halqı antennanı örtep jatır dep, el biligin sınğa alğan".

İİM mälimeti boyınşa, joğarıdağı habarlardıñ tarauına 13 şildede "Ala-Too" alañına şıqqan üş azamattıñ tikeley qatısı boluı mümkin.

13 şildede Jogorku Keñeş ğimaratı aldında "Saylauğa boykot" akciyası ötken. Onıñ qatısuşıları parlament saylauın keyinge şegerudi talap etken. Akciyağa şıqqan azamattardı wstap, tüsindiru jwmısınan keyin bosatqan.

Abai.kz

0 pikir