Beysenbi, 13 Tamız 2020
COVID-19 QAZAQSTANDA. Jwqtırğandar — 101372. Jazılğandar — 76756. Qaytıs bolğandar — 1269
El işi... 1583 20 pikir 13 Şilde, 2020 sağat 10:16

13 şilde – Qazaqstanda wlttıq aza twtu küni

Bügin, 13 şilde elimizde pandemiya qwrbandarın eske alu üşin Wlttıq aza twtu küni.

Qazaqstannıñ barlıq qalasında memlekettik tular tüsirilip, telearnalar efirinen oyın-sauıq bağdarlamalar toqtatıldı.

Elorda uaqıtımen 12:00-de bir minuttıq ünsizdik jariyalanadı. Bügin sonday-aq, meşitterde qwrbandar ruhına bağıştalıp dwğa oqılıp, şirkeulerde dini joralğılar jasaladı.

Resmi mälimetterge süyensek, Qazaqstanda 59 899 adam koronavirus jwqtırğan. 375 adam osı dertter qaytıs bolğan. Ministrliktiñ bwl tizimine tağı 100-den asa adam enbegen. Qwzırlı organdar olardıñ ölimine basqa derttiñ sebep bolğanın aytqan.

Bwğan qosa, elimizde pnevmoniya da örşip twr. Resmi mälimet boyınşa, 2020 jıldıñ alğaşqı altı ayında 98 mıñnan astam adam pnevmroniyağa şaldıqqan. Bwl bıltırğı körsetkişten 55,4 payızğa artıq.

Esteriñizge sala keteyik, osığan deyin prezident Qasım-Jomart Toqaev koronavirustan qaytıs bolğan qazaqstandıqtardı eske alu maqsatında 13 şildeni wlttıq aza twtu küni dep jariyalağan bolatın.

Wlttıq aza twtu küni Täuelsizdik alğalı Qazaqstanda toğızınşı ret jariyalanıp otır.

Prezident Toqaev pandemiya qwrbandarın ünsiz eske alu räsimine qatıstı

Jalpıwlttıq aza twtu künine oray Qasım-Jomart Toqaev Aqorda rezidenciyasınıñ aldında indetten qaza bolğan azamattardı eske aldı.

Sonımen qatar räsimge Memlekettik hatşı Qırımbek Köşerbaev, Prezident Äkimşiliginiñ Basşısı Erlan Qoşanov, Qauipsizdik Keñesiniñ hatşısı Äset Isekeşev, Prezident Keñsesiniñ bastığı Nwrlan Onjanov, Densaulıq saqtau ministri Aleksey Coy qatıstı.

İndet qwrbandarın ünsiz eske alu räsimi respublikanıñ barlıq aymağında ötti.

Prem'er-ministrdiñ köñil aytuı:

Mamin Askar Uzakpaeviç Biografiya - Prem'er-Ministr RK ☀NUR.KZ

Osınau kürdeli kezeñde Qazaqstan koronavirus indetimen küresude. Ökinişke qaray, qauipti indettiñ saldarınan bizdiñ otandastarımız da köz jwmuda. Qaytıs bolğandardıñ tuğan-tuıstarı men jaqındarına asa qayğıra otırıp köñil aytamın.

Memleket basşısınıñ şeşimi boyınşa 13 şilde COVID-19 indetinen qaytıs bolğan qazaqstandıqtardı eske alu üşin Jalpıwlttıq aza twtu küni bolıp jariyalandı.

Qabıldanıp jatqan şaralar halqımızdıñ tabandılığı men erik-jigerin jäne öz küşine degen senimin tağı bir körsete otırıp, bizge indettiñ taraluın toqtatuğa mümkindik beretinine senimdimin.

Asqar Mamin, QR Prem'er-ministri.

Senat törağasınıñ köñil aytuı:

Mäulen Äşimbaev — Senat deputatı — "Ayğaq" aqparattıq portalı

Memleket basşısı koronavirus indetinen qaytıs bolğan azamattardı eske alu üşin 13 şildeni Wlttıq aza twtu küni dep jariyalağanı belgili. Soğan baylanıstı bügin barşa Qazaqstan halqı aza twtuda.

Ökinişke qaray, pandemiya saldarınan köz jwmğan jandardıñ qatarında eldik mwrattı tu etken arıstay azamattarımız, ziyalı qauım ökilderi, memleket jäne qoğam qayratkerleri, sonday-aq, özgeniñ ömiri üşin soñğı sätke deyin küresip ötken därigerlerimiz bar. Biz üşin dünieden ozğan är otandasımızdıñ ornı bölek.

Osığan oray indetten qaza tapqandardıñ tuıstarı men jaqındarına ornı tolmas qayğılarına ortaqtasıp, köñil aytamın. Endi eşqaşan mwnday qaralı kün bolmasın! Elimiz aman, jwrtımız tınış bolsın!

Biz qabıldanğan şaralardıñ arqasında pandemiyanıñ taraluına toytarıs berip, indetti auızdıqtaymız dep senemiz. Qazaq – san qilı tarihında bwdan da auır sınaqtardan sürinbey ötken jäne talay tar jol, tayğaq keşuden aman qalğan halıq. Sonıñ bärinde bekem birlik pen ırıs-ıntımağımızğa taban tiredik. Qazir de däl solay auızbirşilik tanıtsaq, aurudıñ äri qaray asqınuına jol bermeytinimiz sözsiz.

Sondıqtan ärqaysımız jaqındarımızğa janaşırlıq tanıtıp, mamandar anıqtap bergen talaptardı orındauğa erekşe köñil böleyik! Är azamatımızdıñ amandığı üşin birge küreseyik!

Mäulen Äşimbaev, Senat törağası.

Abai.kz

20 pikir