Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
660 1 pikir 11 Şilde, 2020 sağat 15:23

Qazaqstanda mektep formasın kiyu erejesine özgerister engizildi

Qazaqstanda mektep formasın kiyu erejesine özgerister engizildi. Bwl turalı bilim jäne ğılım ministri Ashat Aymağambetov ayttı.

Onıñ aytuınşa, birneşe jıl bwrın bilim jäne ğılım ministriniñ mektep formasın kiyu turalı bwyrığı qabıldanğan.

"Biz bwl bwyrıqtan bas tartpaymız. "Mektep forması" wğımınıñ özi, onıñ principi men qoyılatın talaptarı eşqayda ketpeydi. Biraq biz bwl bwyrıqqa arnayı tarmaq engizdik: ol TJ kezeñine, karantin, şekteu şaralarına nemese tosın jağdaylarğa qatıstı. Däl osınday jağdaylarda biz balalarğa mektepke wqıptı klassikalıq kiimde keluine mümkindik beremiz", - dedi ministr.

"Ata-analardıñ qazir mektep formasın satıp aluğa mümkindigi bolmasa, olar balaların klassikalıq jäne iskerlik stil'de ädettegi kiimmen qamtamasız etu qajet. Osınday şeşim qabıldadıq. Qazirgi jağdayda biz bwl şeşimdi mañızdı dep sanaymız", - dedi Aymağambetov.

"Bwl şeşimdi biz wsınıs retinde engizbedik. Biz mwnı bilim jäne ğılım ministriniñ bwyrığına özgerister engizu, onı ädilet organdarında tirkeu arqılı jasaymız. Bwl şeşim normativtik-qwqıqtıq qwjat boluı üşin kerek", - dep qorıtındıladı vedomstvo basşısı.

Abai.kz

1 pikir