Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
46 - söz 4868 20 pikir 11 Şilde, 2020 sağat 12:52

Jwmsaq Prezident. Qatal Prezident...

Ziyalı kisiniñ balası, özi diplomat, şeteldegi jwmıs täjiribeleri bar. Prezident jwmsaq!

Biz jwmsaqtıqtı jasıqtıq, sıpayılıqtı könbistik, sabırdı wmıtşaqtıq dep esepteymiz.

Toqaev aytadı: janwşırıp jasap jatqan eşkim körinbeydi. Sözi söz-aq, isi ...

Nazarbaev aytatın: bezip ketetin, ministr bitkenniñ qwtı qaşıp. Jäy söziniñ özi zañ edi.

QATAL PREZIDENT

Jağday eki aptada twraqtanbaytın bolsa "Ükimet qwramınıñ äri qaray jwmıs istey bergeni jön be" degen swraq tuındaydı.

Toqaevtıñ wrısqanınıñ özi osınday. Barınşa zildi, Ükimet tağdırına tikeley qatıstı ükimniñ özin barınşa jaymaşuaq tilmen jetkizedi.

Biraq, Prezident soñğı aptanıñ "jwldızı" bolğan eki figuranı qızmetten bosattı. "SK Farmaciyanıñ" basşısı men MÄMS-tiñ "mäşin äpergiş" qojayını qızmetten ketti!

Eldegi epidahual kürdeli. Adamdarğa "aua" jetpey jatır...

Ministrlik te, äkimdikter de öz betinşe şeşim qabılday almay jattı. Şeşuşi kezeñderde keşigip qabıldanğan şeşimder äserinen auır jağdaylarğa tap boldıq. Bwrıñğı densaulıq ministrliginiñ köp boljamdarı qate şıqtı. Nauqastar sanındağı qwbılular halıq arasındağı türli äñgimege arqau boldı, senimsizdikke sebep boldı!

Iä, halıq Ükimetke senuden qaldı. Özi emdeldi. Özine sendi, bir-birine kömektesti...

Bügin Prezident aşulı, tüneriñki körindi. Jan-jaqtan şarşatqan, aytqanın tıñdamağan Ükimet pen atqaruşı bilikke "jeter endi" degen sekildi.

Sonımen, bäygi jaqın - eki apta!

Osı kezge deyin qol qusırıp otırğan (birinşi foto) Mämin Ükimet Halıqtan iilip (ekinşi foto) keşirim swray ala ma?

Äy, qaydam?!

P.S. Toqaev endi qataymasa Ükimetti auıstırğannan payda bolmaydı-au.

Aytqan söziñ zañ bolmasa, jwmısıñda män bolmaydı. Al, Halıq Senimi alaqanda erigen mayday azayıp baradı...

Almas Altaydıñ jazbası

Abai.kz

20 pikir