Densaulyq saqtau ministrligining búrynghy basshylyghy PR-nauqangha jәne beynerolikterge 600 million tenge bólgen. Búl turaly Respublikalyq arnayy monitoring tobynyng jetekshisi Aygýl Solovieva býgin onlayn-brifingide aitty.

«Keshe Preziydent koronavirus infeksiyasymen kýresuge 191 milliard tenge bólingeni turaly aitty. Oghan deyin shamamen 400 million dollar bólingen bolatyn. Bizding saraptamalyq top búl qarjy qanday sharagha bólingenin anyqtap jatyr. Mendegi aqparat boyynsha, 600 million tenge flesh-mob úiymdastyrghan jarnamalyq kompaniyagha bólingen. Dәl qazirgi jaghdaygha jetkizbes ýshin búl qarjygha qajetti dәri-dәrmek, medisinalyq qúraldardy alugha bolar edi. Degenmen. osy 600 million tengening 200 million tengesi әli júmsalmaghan eken. Biraq ol qarjy QR Densaulyq ministrligi úiymdastyrghan tenderge qatysyp, útyp alghan kompaniyagha audarylyp qoydy», - deydi Solovieva .

Aygýl Solovieva hanymnyng sózine sýiensek, ministrlikting búrynghy jauapty qyzmetkerleri piar-kompaniyalargha, rolikterge 600 million tenge bólgen. Búl bizding shendiler arasynda búrynnan beri jalghasyp kele jatqan әdet. Mәselening bәrin flesh-mobpen, piarmen sheshkisi keledi. Birneshe әnshi-biyshini nemese blogerdi jaldap, maqtau sóz aitqyzady. Jarnama-kompaniyalaryna tapsyrys berip, biylikting júmysyn madaqtaytyn viydeo-rolikter týsirtedi.

Sóitip, halyqty da, ózderin de aldap jýrgende júmys jayyna qalady. Bólingen qarjy iygeriledi, al halyqtyng jaghdayy jasalmaydy. Elde koronavirus tarap, halyq dәri-dәrmek pen sapaly emge zәru bolyp otyrghanda jauapty ministrlikting ózderine piar jasap jýrgeni - osy sózsimizding aiqyn dәleli.

Sonday-aq Solovieva qanday dәri joq, qay dәrining baghasy qanshagha qymbattaghany turaly habarlamalar azamattardan týsip jatqanyn aitty.

«Preziydentting ýndeuinen onyng oryn alyp jatqan qúqyq búzushylyq jaghdaylar turaly habardar bolyp otyrghanyn bildik. Memleket basshysy qúqyq qorghau organdaryna dәri-dәrmekting jasandy tapshylyghyn jasap otyrghandarmen júmys isteuge tapsyrma berdi. Respublikalyq arnayy monitoring toby Preziydent búl tapsyrmany bergenge deyin eki kýn búryn júmysty bastap ketti. Oryn alyp jatqan jaghdaylargha narazy bolu – bir bólek, al mәseleni sheshuge ýles qosu – bir bólek. Almaty, Núr-Súltan qalalarynda, Manghystau, Shyghys Qazaqstan oblystarynda monitoring jýrgizip, dәri-dәrmek baghasyn 1,5-2 ese qymbattatqan faktilerdi anyqtadyq», - dedi ol.

Abai.kz