Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
46 - söz 1821 31 pikir 8 Şilde, 2020 sağat 13:54

Qazaqtıñ toyı joyılu kerek

Qazaqtıñ toyınıñ katolik dinine eşqanday qatısı joq, dese de, oğan auır künälardıñ barlığı tän. Sol üşin ol joyıluı kerek, biraq qazaqtıñ toyı barlıq künälar siyaqtı mäñgi.

1. Qazaqtıñ toyı - bwl täkapparlıq. Bastısı - öziñniñ aqsüyek ekeniñdi, joğarıdağılarğa qatısıñnıñ barın körsetu. Qonaqtar - ne "anau kelgen äkimniñ tuısı", ne "prokurordıñ wlı", ne bolmasa "prezidenttiñ küyeubalası". Täkapparlıq - qazaqtıñ eñ bastı häm eñ süyikti künäsi.

2. Qazaqtıñ toyı - bwl ırdu-dırdu. Tuısqandardıñ barlığı braziliyalıq karnavalğa kelgendey özin elge körsetkisi keledi. Brioni, Şanel', Guççi-Şmuçi, frak kigen ergejeyliler men lihtenşteyn hanşayımdarınıñ köylegin kigen egde jastağı äyelderdiñ cirktegidey ansambli.

3. Qazaqtıñ toyı - bwl qomağaylıq. Dastarqan türli tağamğa tolı. Bir qora qoydı jiliktep, otqa pisirgen. Jılqı soyıp, özine özin tığıp toltırğan. Kömirsular, aşı su, qamır auqat. Ölgenşe jep-işu. Astauda et alıp şığu saltın eske alıñızşı. Qomağaylıqtıñ nağız paradı emes pe?

4. Qazaqtıñ toyı - bwl dañğoylıq. Eñ qımbat ärtister, sändi kölikter, lyuks ball-rumdarı, tamada drama teatrınıñ akteri boluı şart, tağamdardı gerbi bar patşalar qoldanatın ıdısqa salu kerek, barlığı limuzinmen jetip, tikwşaqpen wşıp keledi. Beyonse än salıp, Ilon Mask ot şaşuı kerek. Osınıñ barlığı instagramda storisqa şığıp, tikeley efirde körsetilui tiis.

5. Qazaqtıñ toyı - bwl aşu-ıza. Mindetti türde bireudi ayırıp, tilek aytuğa şığu kezegi üşin asabamen wrsısıp, araqqa toyıp alğan esuas tuısqandı toydan quıp şığu kerek. Bireu pışaq alıp şığadı. Qalıñdıqtıñ äkesiniñ dostarı küyeubalamen qahar tanıtıp söylesip, qız üşin onıñ basın jwlıp alatının eskertui tiis.

6. Qazaqtıñ toyı - bwl körealmauşılıq. Qazaqtıñ kez kelgen toyınıñ bastı maqsatı - barlığınıñ qızğanışın oyatu, bärinen ozıp toy jasau. Toy soñında qonaqtardıñ barlığı işi küygennen ölip qalsa - bwl eñ ideal variant.

7. Qazaqtıñ toyı - bwl zinaqorlıq. Toy soñında asabanıñ sayıstarında barlığı bi bileuden Las-Vegastıñ strip-klubtarındağı gou-gou bişi qızdardan da asıp tüsedi, jäne qarındastarı men jeñgeleriniñ seksual benefisteriniñ ayaqtalğanın şarşağan küymen kütip otıradı.

Eñ ülken künä - qazaqtar toydıñ barlığın kredit alıp, huliard teñge jwmsap ötkizedi.

Qazaqtıñ toyı joyılu kerek.

Pikir iesi: Erlan Täjibaev

Audarğan men.

Baqıtjan Bwqarbaydıñ äleumettik jelidegi jazbası

Abai.kz

31 pikir