Beysenbi, 13 Tamız 2020
COVID-19 QAZAQSTANDA. Jwqtırğandar — 101372. Jazılğandar — 76756. Qaytıs bolğandar — 1269
1344 8 pikir 8 Şilde, 2020 sağat 13:21

Batalov elordadağı kardiologiyalıq ortalıqqa jetkizildi

Almatı oblısınıñ äkimi Amandıq Batalov Nwr-Swltandağı kardiologiyalıq ortalıqta em alıp jatır.

Oblıs äkiminiñ orınbasarı Batırjan Bayjwmanov onlayn-brifing barısında osılay dep mälimdedi. Onıñ aytuınşa, Batalovtıñ qazirgi uaqıttağı densaulıq jağdayı jaqsarğan körinedi.

- Özderiñiz biletindey, Amandıq Ğabbaswlıda koronavirus üş apta bwrın anıqtaldı. Ol emdeldi, biraq entigu men ökpesine dem jetpey, jüregi qısılğanına baylanıstı därigerler onı Nwr-Swltan qalasındağı kardiologiyalıq ortalıqqa jatqızu turalı şeşim qabıldadı.

Ol jerde em alıp jatır jağdayı äldeqayda jaqsardı. Ol ünemi sportpen aynalısadı, densaulığı mıqtı. Sondıqtan jaqın arada ol jazılıp, jwmısqa kirisedi, - dedi Bayjwmanov.

22 mausımda Amandıq Batalovtıñ koronavirus jwqtırıp, oqşaulanğanı habarlanğan bolatın. Oblıs äkiminiñ baspasöz hatşısı Ğalımwrat Jükel Amandıq Ğabbaswlınan virustıñ simptomsız türi anıqtalğanın aytqan.

- Almatı oblısınıñ äkimi Amandıq Batalov oqşaulandı. Ökinişke qaray, koronavirustı anıqtauğa tapsırğan soñğı PCR-saraptaması oñ nätije körsetti. Koronavirus simptomdarı bayqalmaydı, - dep jazğan edi ol.

Abai.kz

8 pikir