Düysenbi, 10 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
1514 2 pikir 8 Şilde, 2020 sağat 13:01

Bakteriyağa qarsı preparattar pnevmaniyağa eş äser etpeydi

COVID-19 belgileri az bolğan jağdayda virusqa, bakteriyağa jäne trombqa qarsı preparattar qajet emes. Bwl turalı Ortalıq kommunikaciyalar qızmetinde ötken brifingte medicina ğılımdarınıñ doktorı, joğarı sanattağı däriger Rauşan Qarabaeva mälim etti.

«Mwnday nauqastar emdeu-qorğau rejimin wstanuı kerek, dwrıs tamaqtanıp, jii su işedi, S, D därumenderin qabıldaydı, dene qızuı köterilgen jağdayda onı tömendetetin preparattar – paracetamol jäne ibuprofen qabıldaydı. Sonımen qatar, büyrek auruları bar nauqastar, äsirese, büyreginda tası bar adamdar KVI kezinde S därumenin qabıldağanda saq boluı kerek», - dedi maman.

Qarabaevanıñ aytuınşa, dene qızuı 38S joğarı köterilgende, intoksikaciyanıñ ayqın belgileri (bwlşıq ettiñ auruı, älsizdik, bas auruı, jötel, keude quısınıñ auıruı) bolğan jağdayda, onıñ asqınuına, yağni pnevmoniyağa auısuına jol bermeu kerek. Ol üşin keude quısı organdarın rentgenge tüsiredi nemese komp'yuterlik tomografiya jasaydı.

Ayta keterlik jayt, etiotroptıq emdeu kezinde virusqa qarsı preparattar tağayındaladı. Qazirgi kezde lopinavir/ritonavir, gidroksihlorohin, favipiravir jäne remdesevir siyaqtı därilerdi qoldanu wsınılğan. Ayta keteyik, bwl därilik zattardıñ gepatouıttı jäne kardiouıttı janama äserleri bar, yağni bauır men jürekke jağımsız äserin tigizedi. Osığan oray, bwl preparattardı aurudıñ belgileri az bolğanda baqılausız qabıldau asa qauipti bolıp tabıladı.

Sonımen qatar ol pnevmoniyamen auırğandardıñ da preparattardı baqılausız qabıldağanı qauipti ekenin jetkizdi.

Därigerdiñ aytuınşa, qazirgi pnevmoniya virustıq, sondıqtan bakteriyağa qarsı preparattar oğan eş äser etpeydi.

«KVI jwqtırğandardıñ antibiotikterdi baqılausız qabıldap jatqanın körip jürmiz. Bwl dwrıs emes, äri qauipti. Antibiotikter ağzanıñ immunitetin qalıptastıruğa qajetti işek mikroflorasın bwzadı. Nätijesinde, bwl keri äserin tigizui mümkin. Mwnımen qosa, antibiotikterdi eşqanday belgilersiz tağayındağan jağdayda, mikroağzalar bakteriyağa qarsı zattarğa twraqtı jäne tözimdi boladı. Bwl öte kürdeli mäsele deuge boladı. Adam ağzasında antibiotikterdiñ köptegen türlerine mikrobtardıñ sezimtal emes, mul'tirezistentti ştammdarınıñ qalıptasuı – bwl jahandıq mäsele. Bwl keleşekte bakterialdı infekciyalardı emdeude qiındıqtarğa äkep soğadı», - dedi däriger.

Büginde auır jağdayda ğana qoldanılatın birqatar antibiotikter men gormondardı satıp alu jäne qabıldau jağdayları jiilep otır. Bakteriyalıq komponent bolğan kezde koronavirustı antibiotiktermen tek därigerdiñ nwsqauımen ğana emdeu qajet.

Abai.kz

2 pikir