Beysenbi, 6 Tamız 2020
COVID-19 QAZAQSTANDA. Jwqtırğandar — 95942. Jazılğandar — 68871. Qaytıs bolğandar — 1058
Jañalıqtar 1505 5 pikir 6 Şilde, 2020 sağat 19:22

Şamalğanda ortalıq sayabaq aşıldı

Elordanıñ tuğan künine oray, Qarasay audanı, Şamalğan auılında ortalıq sayabaq aşıldı. Balalarğa arnalğan demalıs ornı «Ruhani jañğıru» bağdarlaması ayasında salınğan. Qwrılıs jwmıstarı ötken jıldıñ säuir ayında bastalıp, Astana küninde qoldanısqa berildi.

«Ana-Nwrı» sayabağınıñ jalpı audanı bir jarım gektar. Al, wzındığı 380 metr. Oyın alañına bir uaqıtta 150 adamğa deyin kele aladı. Auıl twrğındarınıñ aytuınşa, sayabaqtıñ Şamalğan özeniniñ jağalauında ornalasuı keluşilerge öte ıñğaylı körinedi.

Demalıs ornınıñ aşılu saltanatına audan twrğındarınan bölek, audan äkimi Jandarbek Dalabaev jäne sport ardageri äri käsipker Serik Bakişev qatıstı. Olar Aymaq halqın merekemen qwttıqtap, jürekjardı tilegin bildirdi.

«Sayabaq aumağında eki oyın alañı jäne futbol, voleybol, basketbol alañdarı bar. Odan bölek, üstel tennisi, şahmat, toğızqwmalaq oynauğa arnalğan üstelder ornalasqan. Üstel tennisin özim de bir ret oynap kördim»,-dedi audan äkimi Jandarbek Dalabaev.

Jaña demalıs ornında baldırğandar sportpen şwğıldanıp qana qoymay, Qazaqstan tarihın da qızığuşılıqpen zertteytin boladı. Sebebi, alañnıñ bir böligine qazaq handarınıñ, bileriniñ batırlarınıñ ömirbayanınan sır şertetin taqta qoyılğan. Tärbielik mäni zor orında Süyinbay Aronwlınıñ, Abay Qwnanbaevtıñ, Jambıl Jabaevtıñ qanattı sözderi jazılğan.

«Bwl sayabaq 20 mıñ şamalğındaqtar üşin jaqsı demalıs ornı boldı. Auıl twrğını retinde aytarım, bwrındarı bwl jerlermen jüru qorqınıştı bolatın. Äsirese, jañbırlı künderi jol batpaq bolıp jatatın. Al, qazir bwl jer aulımızdıñ körkin keltirip twr. Tağı bir aytarım, auılğa jas äkim kelgeli, köptegen tüyitkil mäseleler şeşimin tauıp jatır. Auıl twrğındarı atınan raqmetimdi aytqım keledi», - dedi auıl twrğını Aqılbay Qañılbaev.

Audan atqaminerleriniñ aytuınşa, aldağı uaqıtta sayabaqtıñ aumağın 250 metrge deyin wlğaytıp, ortalıq köşege jetkizu josparda bar.

Ayman Asıl

Abai.kz

5 pikir