Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
1433 1 pikir 3 Şilde, 2020 sağat 18:50

Semey men Öskemen qalaları karantinge jabıladı

5 şildeden bastap Semey men Öskemen qalaları jabıladı. Bwl turalı ŞQ oblısınıñ äkimi Danial Ahmetov mälimdedi.

«Oqiğa damuınıñ eñ jağımsız scenariyine jol bermeu üşin biz 5-şildeden bastap Öskemen jäne Semey qalaların jabamız. Qalalar men audandarda twrğındar men kölikterdiñ qozğalısın barınşa azaytamız. Mwnıñ bäri koronavirus infekciyasınıñ taraluına jol bermeu üşin jasalatın äreket. Tek özin-özi oqşaulau ğana COVID-19 qarsı kürestiñ pärmendiligin körsetti. Karantindik şaralar qatañ saqtalğan barlıq kezeñinde oblısta auırğandar sanı 135 boldı. Alayda, tek mausım ayında bwl körsetkiş 710 adamğa arttı», - dedi Ahmetov.

Oblıs äkimi şekteu şaraları aldağı demalısta bastalatının ayttı.

«Qozğalıstı şekteu şaraların osı demalısta bastağan asa mañızdı. Bizge baylanıs tizbegin üzu qajet! Qalıptı ömirge tezirek oraluımız kerek. Biraq, oğan joğarı jauapkerşilik tanıtqan jağdayda ğana qol jetkize alamız»

Alayda, öñirdegi käsiporındar, azıq-tülik dükenderi, därihanalar, bankter, HQO (qısqartılğan keste boyınşa) jwmısın jalğastıradı.

«Biz engizilgen karantindik şaralardıñ saldarınan biznesti barınşa qorğauğa tırısamız. Sizderdi tağı bir märte bwl şaralarğa tüsinistikpen qarauğa şaqıramın. Europa elderinde ne bolğanı barşamızdıñ esimizde. Ol jaqta da bastapqı kezde adamdar qabıldanğan qatañ şaralardan nätije bolatınına senbedi.

Büginde äleumettik qaşıqtıq, özin - özi oqşaulau, maska rejimin saqtau - bwl adamdardıñ öz qauipsizdigi üşin jasaytın qadamdardıñ eñ azı.

Biz öz kezegimizde öñir auruhanaların qajetti tehnikamen jäne däri - därmektermen, al därigerlerdi qorğanıs jiıntıqtarımen qamtamasız etu üşin barlıq mümkindikterdi jasadıq. Qazir bizdiñ ortaq mindetimiz şekteu şaraların birge saqtau jäne virustıñ taraluına jol bermeu»,- dedi öñir basşısı.

Ahmetovtıñ aytuınşa, Şığıs Qazaqstanda 1700 infekciyalıq, 2500 provizorlıq jäne karantindik tösekter, sonday-aq qarqındı terapiya palataları dayın.

Abai.kz

1 pikir