Jwma, 7 Tamız 2020
COVID-19 QAZAQSTANDA. Jwqtırğandar — 95942. Jazılğandar — 68871. Qaytıs bolğandar — 1058
1729 6 pikir 3 Şilde, 2020 sağat 16:51

Qazaqstanda jedel järdem qızmetine aqşa tölenedi

QR Densaulıq saqtau vice-ministri Ajar Ğiniyat jedel järdemdi mobil'di brigadalar arqılı şaqırtu qwnı men olar qanday qızmet körsetetinin ayttı.

«Ministr aytqanday, auruhanalar men jedel järdem qızmetterinde mobil'di brigadalar payda boladı. Büginnen bastap jwmısqa kiristi. Olardıñ qızmetindegi tarif qwnı da belgili. Bağası - 5 400 teñge. Brigadalar koronavirusqa küdigi bar nemese twmau jwqtırğandardı qarap, olardan test alu üşin baradı. Bir şaqırğan adamğa ekinşi ret barmaydı. Test bir ret alınadı jäne onıñ nätijesi uçaskelik därigerge beriledi», - deydi Ajar Ğiniyat.

Ayta keteyik, bwğan deyin Densaulıq saqtau ministri Aleksey Coy Qazaqstannıñ jedel-järdem qızmeti şaqırtularğa ülgermey jatqanın, sondıqtan, qosımşa 3000 mobil'di brigadalar qwrılğanın aytqan. Olardıñ tarifi 2020 jıldıñ 1 şildesinde bekitilgenmen, ministr mobil'di brigadalardıñ şaqıru bağasın aytpağan edi.

Abai.kz

6 pikir