Beysenbi, 6 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
46 - söz 1822 5 pikir 2 Şilde, 2020 sağat 13:39

Pandemiya kezinde piar jasauğa ne sebep?

Osı künge deyin eks-prezident N.Nazarbaevtıñ tuğan küni “taza säykestikpen” Astananıñ tuğan künimen birge jalpıwlttıq deñgeyde toylanıp keldi. Memlekettik byudjetten qanşama milliardtar ketti. Tuğan kündi toylauğa ketetin şığınnıñ kölemi jıl sanap östi.

Mäselen, 2014 jılı Astana äkimdigi tuğan künge 700 mln teñge jwmsasa, 2018 jılı qalanıñ 20 jıldığına memlekettik byudjetten 19 mlrd teñge ketti. Odan bölek oblıs pen qala äkimderi jeke-jeke N.Nazarbaevtıñ tapsırmasımen tuğan künge qwnı birneşe jüz million teñgeden bastap 1,5 mlrd teñgege deyin jetetin sıylıq tartu etti. Bıltır 20 naurızda Q.Toqaev qalanıñ atın özgertudi wsınıp, bükil ”elitanıñ” aldın orap, 6 şildege bastığına esten ketpes sıylıq jasadı.

Biılğı 80 jıldıq yubileyge nwrswltandıq şeneunikter bıltırdan beri dayındalsa, eş tañ qalmaymın. Biraq aqılğa salsaq, olardıñ josparına koronavirus äser etui tiis edi. “Elitanıñ” boyında tamşıday bolsa adamgerşilik bolsa, kün sayın qazaqstandıqtar sol “elitanıñ” sayasatındağı olqılıq pen salaqtıqtan köz jwmıp jatqan kezde pandemiyada pir jasaudan bas tartar edi. Ökinişke qaray, olardıñ tuğan künde patilatu josparı qattı özgere qoymadı.

Meniñ oyımşa, “elitanıñ” osınday marazmge jol beruine eki sebep bar. Birinşi sebep — äulettiñ ökilderi, N.Nazarbaevtıñ eñ jaqın şeneunikteri men oligarhtarı, sayasi salmağı bar atqaminerler pandemiyağa qaramay äli künge deyin parallel' älemde ömir sürip jatır. Jıl sayın tuğan kündi dumandatıp toylauğa üyrenip qalğan olar biıl da patilatuğa dayın otırğan siyaqtı. Mäselen, Aliya Nazarbaeva Instagramda papasınıñ tuğan künin büginnen bastap toylauğa kirisip ketti.

Ekinşi sebep — tuğan kündi jıl sayın wyımdastıru keybir pısıqaylarğa sayasi wpay jinaumen qatar membyudjet esebinen birneşe milliard “biznes” jasaytın mümkindik sıylaydı. Olardıñ biznes josparınıñ qasında azamattardıñ ömiriniñ qwnı kök tiın.

Ädettegidey It’s Personal and It’s Business.

Şalqar Nwrseyitovtıñ äleumettik jelidegi jazbası

Abai.kz

5 pikir