Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
1349 2 pikir 2 Şilde, 2020 sağat 11:29

Pompeo: AQŞ Ortalıq Aziya elderiniñ täuelsizdigine qoldau körsete beredi

AQŞ memlekettik hatşısı Mayk Pompeo Ortalıq Aziya elderindegi äriptesterimen S5+1 formatı ayasında ötkizgen onlayn-kezdesudi joğarı bağaladı.

Mayk Pompeo Tvitterdegi paraqşasına AQŞ Ortalıq Aziya elderiniñ täuelsizdigin jäne territorialdıq twtastığına qoldau körsetedi äri aldağı uaqıtta da qolday beredi dep jazdı.

AQŞ jäne Ortalıq Aziya elderi (C5 + 1) sırtqı ister ministrleriniñ kezekti kezdesui 30 mausımda onlayn rejimde ötti. Jinalısqa AQŞ memlekettik hatşısı Mayk Pompeo, Qazaqstan, Täjikstan, Qırğızstan, Özbekstan jäne Türkimenstan sırtqı ister ministrleri Mwhtar Tileuberdi, Sirodjidin Muhriddin, Çingiz Aydarbekov, Abdulaziz Kamilov jäne Raşid Meredov qatıstı.

Täjikstan SİM resmi saytında onlayn bas qosuda COVID-19 virusımen küresu, onıñ densaulıq jäne ekonomika salalarına tüsirgen saldarı, onı joyu joldarı jäne aymaqtıq ıntımaqtastıqtı keñeytu men qauipsizdikti qamtamasız etu mäseleleri talqılanğanı jazılğan.

Amerikalıq tarap öziniñ äleuetin paydalana otırıp, Ortalıq Aziya aymağınıñ ekonomikalıq damuına kömektesuge dayın ekenin jetkizgen.

"S5 + 1" tobınıñ jinalısı 2015 jıldan beri ötedi.

Abai.kz

2 pikir