Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
1345 4 pikir 1 Şilde, 2020 sağat 14:04

1 şildeden bastap ne özgeredi?

Qazaqstanda 1 şildeden bastap azdağan özgerister engiziledi. Bwl turalı sputnik.kz saytı jazdı.

Sayt mälimetinşe, jazdıñ ekinşi ayınan bastap, elektr energiyası qımbattaydı. 44 energiya öndiruşi wyımnıñ 34-inde tarif wlğayğan, 9 wyımda bwrınğı deñgeyde saqtaldı, al bireuinde tömendetildi. Elektr energiyasına şekti tarifterdi qayta qarau 27 mıñğa juıq jwmıs ornın saqtap qaluğa mümkindik beredi. Endi qazaqstandıqtar elektr energiyasına orta eseppen ayına 200 teñge artıq töleydi.

Sonımen qatar, Qazaqstanda şildeden bastap segiz jäne odan köp balası bar otbasılardıñ järdemaqısı wlğayadı.

Bwğan deyin olar jeti bala üşin ğana järdemaqı alıp kelgen edi.

13 mamırda prezident qoldanıstağı järdemaqını keñeytudi közdeytin zañğa qol qoydı. Oğan säykes, segiz jäne odan köp balası bar otbasılarğa är bala üşin 4 AEK mölşerinde järdemaqı tölenedi. Atalğan norma 2020 jıldıñ 1 qañtarında küşine endi.

Sonday-aq, segiz jäne odan köp balası bar otbasılarğa qañtar men mausım ayları aralığındağı ayırmaşılıq ta tölenedi.

8 jäne odan köp balası bar otbasılarğa arnalğan järdemaqı

  • 8 bala üşin  – 88 896 teñge;
  • 9 balağa – 100 008 teñge;
  • 10 balağa – 111 120 teñge;
  • 11 balağa – 122 232 teñge;
  • 12 balağa – 133 344 teñge;
  • 13 balağa – 144 456 teñge;
  • 14 balağa – 155 568 teñge;
  •  15 balağa – 166 680 teñge;
  • 16 balağa  – 177 792 teñge.

Senat deputattığına kandidattar wsınu ayaqtaladı

Biıl 12 tamızda parlament senatınıñ saylauı ötedi. Tiisti jarlıqqa el prezidenti 12 mausımda qol qoyğan bolatın.

13 mausımnan beri senat deputattığına kandidattar wsınılıp jatır. Ol 30 künge sozılıp, 12 şildede ayaqtaladı.

Ümitkerlerdi tirkeu tiisti qwjattar wsınılğanına qaray bastalıp, 23 şildede toqtaydı.

Saylau aldındağı ügitke 18 kün qarastırılğan. 11 tamız – tınıştıq küni, al 12 tamız – dauıs beru küni.

Saylau qorıtındısı 18 tamızğa deyin anıqtaladı.

Futboldan Qazaqstan çempionatı

1 şildede koronavirus pandemiyasına baylanıstı üş ayğa sozılğan üzilisten keyin futboldan Qazaqstan çempionatı bastaladı.

Şildeniñ birinşi küni üşinşi turdıñ birden bes matçı josparlanğan. Onıñ ekeuin Qazsport telearnası körsetedi.

Eldegi epidemiologiyalıq ahualğa baylanıstı futbol matçtarına körermender men BAQ ökilderi qatısa almaydı.

Zañsız qarudı onlayn tapsıru

1 şildede qazaqstandıqtardan zañsız saqtalğan atıs qaruın, oq-däriler men jarılğış zattardı satıp alu akciyası bastaladı.

Qaru-jaraqtı öz erkimen tapsırğanı üşin qarudıñ är birligine, onıñ tehnikalıq jay-küyine baylanıstı, komissiya şeşimimen 10-nan 100 AEK-ke deyin (27 780 teñgeden 277 800 teñgege deyin) sıyaqı tölenedi.

Tirkelmegen atıs qaruın, oq-därini jäne jarılğıştardı erikti türde tapsırğan adamdar qılmıstıq jäne äkimşilik jauapqa tartılmaydı.

Temeki bağası östi

1 şildeden bastap süzgisi bar jäne süzgisiz temeki men şılımnıñ eñ tömengi bağası 440 teñgeni qwraydı. Al 2021 jıldıñ qañtarınan 460 teñgege deyin köteriledi.

Bwğan deyin temekiniñ eñ tömengi bağası 420 teñge bolğan edi.

Nwr-Swltannan şığatın üş poyız uaqıtşa qatınamaydı

Qazaqstanda Nwr-Swltannan Atırau, Oral jäne Almatığa baratın üş poyızdıñ qozğalısı uaqıtşa toqtaydı.

Olar:

- elordadan 1 şildede, al Atıraudan 2 şildede şığatın № 19/20 "Nwr-Swltan-Nwrlı jol – Atırau" poyızı;

- "Nwrlı jol" vokzalınan 2 şildede, al Oraldan 3 şildede attanatın № 95/96 "Nwr-Swltan-Nwrlı jol – Oral" poyızı;

- Almatıdan 1 şildede, Nwr-Swltannıñ "Nwrlı jol" vokzalınan 2 şildede şığatın № 701/702 "Almatı-2 - Nwr-Swltan-Nwrlı jol" poyızı.

Osı poyızdarğa bilet alğan jolauşılar aqşasın tolıq qaytara aladı nemese biletin basqa poyızğa auıstıru mümkindigi bar. Bağdarlar boyınşa qosımşa aqparat alu üşin 105 nömirine habarlasuğa boladı.

Sonımen qatar, Qazaqstan qatañ karantinge oraluı mümkin

29 mausım küni memleket basşısı Qasım-Jomart Toqaev koronavirus indetiniñ taraluına qarsı şaralar qabıldau jöninde keñes ötkizdi. Prezident memlekettik komissiyağa qatañ karantin engizuge qatıstı wsınıstar äzirlep engizudi tapsırdı. Toqaev ükimetke bwl üşin eki kün uaqıt berdi.

Densaulıq saqtau ministrligi koronavirustıñ taraluın azaytu üşin bükil respublika aumağında tört aptağa sozılatın qatañ karantin engizudi wsındı. Vedomstvo basşısı Aleksey Coy indetke qarsı küreste eñ tiimdisi osı dep sanaydı.

Qatañ karantinge qatıstı tüpkilikti şeşim jaqın arada qabıldanadı.

Abai.kz

4 pikir