Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
46 - söz 1329 0 pikir 1 Şilde, 2020 sağat 13:51

El amandığın, bas amandığın tileyik!

Adam basına auır tüsken osınau indet  künnen  künge örşip keledi, bwrın  soñdı mwnday qayğımen betpe bet kelmegen bizder, ne isterimizdi bilmey qalğan haldemiz, adam bolğasın mwnı jasıra almaysıñ.

Bwl auır kezeñ ötedi, älemde qarsı vakcina da tabıladı, basqaşa bolu mümkin emes, tek osı kezde densaulığımızğa, ömirimizge,  janımızdağı jandarğa  mwqiyat bolayıq, üyde de, tüzde özimizdi taza wstayıq, barına qanağat eteyik,  bireudi   kinälauğa, ne bireuden  köruge müldem haqımız joq, bärine keşirimmen, süyispenşilikpen qarayıq, ülken bolayıq, kişi bolayıq jaqın adamdarımızdı bos äbigerge salmayıq,  qajetsiz däri därmekpen äuestenbeyik, uayımğa salınbayıq, adamşılığımızdı  saqtap, qarapayım  janaşarlıq bildirudi wmıtpayıq!

Biz älemdegi eñ sabırlı jäne tözimdi halıqtıñ birimiz, qazir de sol  işki sabırlığımız ben tözimdiligimizdi saqtauımız kerek. Talay tarihi ötkelder men asularda, sın sağattarda eldik pen birliktiñ ülgi önegesin talay körsetken qazaqpız, ömir men ölim sätinde şıdamdılıq tanıtqan halıqpız. Ärqaysımız qazaqtıñ tözimdi tabiğatın jaqsı bilemiz, sol qasieti üşin birimizdi birimiz jaqsı köremiz, sıylaymız.

Bizdiñ ata - babalarımız ärqaşanda jaqsılıqtan ümit üzbegen, bastarına auır künder tüskende işterinen jeñe bilgen, zar qağıp jürip, rahatqa jetken, auırlıqpen birge jeñildik barın, qiınşılıqpen birge oñaylıq barın, belin qayıstırğan jüktiñ tüsetinin, köñiliniñ aşılatının,  abıroyınıñ köteriletinine sengen, sondıqtanda bolar olar qiın kezderde abıroymen ötken, sabırlıq saqtap, özderin aman saqtağan.

Biz ärqaşanda el amandığın oylağan, bäle kelse  «keter» dep tözimdilik saqtağan elmiz. Qazir de senim men ümitten ayırılmayıq! Sabır saqtayıq! Özimizge seneyik! Barşa bolıp el amandığın, auırıp qalğan jandardıñ amandığın tileyik!

Salauat Kärim 

Abai.kz

0 pikir