Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
46 - söz 1269 5 pikir 30 Mausım, 2020 sağat 18:10

Covid-19 - erejesi bar həm erejesi joq soğıs

Biz soğıstı körgen joqpız! Biraq soğıstıñ öz erejesi bar. Dwşpandarıñ qay qalanı basıp alğanın, qalanı qalay azat etuge bolatının bilesiñ.
Covid-19 - erejesi bar həm erejesi joq soğıs. Covid-19 - bükil əlem erikten tıs qatısıp jatqan soğıs.

Keşe-bügin əleumettik jelide "Toqaev telearnada neşede söyleydi? Prezident ne aytadı eken?" dep jazıp jatqan adamdardı körip, köñilim tolqıp, jılağım kep ketti. Olar Prezidentten ümit az ekenin biledi, köbisi tipti senbeydi, halıq auırıp, əlem küñirenip ketkesin "Prezident qoy, bir şeşimin tabar" dep bir ümit kütedi. Al biliktegi şeneunikter jauapkerşilikti sezine me?

"Korol' govorit" fil'minde Angliyanıñ sol kezdegi koroli Georg VI radiodan söyleytin boladı. Bükil Angliya halqı osı sətti tağatsızdana kütedi. Korol' bastapqıda kekeştenip, logopedtiñ kömegimen əyteuir söylep şığadı. Sonda quanğan, korol'diñ sözinen ruhtanğan, şabıttanğan, soğısta jeñetinine sengen halıq balaşa quanadı.

Georg VI kekeş bolsa, bizdiñ şeneunikterdiñ ruhı kekeş ğoy. Bwl bərinen qauipti.

Sanalı ana auırıp jatqan balasın tastap, qıdırıp, toy toylamaydı. Mınanday alasapıran uaqıtta mıñ jerden sayasat bolsa da, Prezidentke şetelde ötetin jiınğa baruğa bolmaydı.

Basqa qarapayım jwrt "Toqaev şetelde jür" dep qıdıruın, toylauın qoymaydı.

Jıl sayın Astananıñ toyın toylap, paydası joq forumdar ötkizdiñder. Şeteldikter qazı-qartañdı jep, qımızıñdı işip, kekirip, betiñe maqtap, işinen "sonşa şaşılğan daraqı qazaq" dep ketti.

Əlemge tanılğan bir jazuşıñ joq. Nobel'di aytpağanda, Bukerdi alğan jazuşıñ joq. Qayta-qayta ədebiet salasında forum ötkizip, qanşa milliondı jelge şaştıñdar?

Aqşanı paydasız forumdarğa emes, ğılımğa, medicinağa, fizika, matematika, himiyağa, naqtı ğılımdarğa bölu kerek.

"Bolaşaqpen" oqıp jatqan, memleket jılına pəlen millilon tölep jatqan gumanitarlar ne jañalıq aşıp jatır?

2013 jılı RUDN-ge öz küşimmen tüstim. 1200 rubl' stipendiya aldım. Sol jılı "Bolaşaqpen" oqığandar 40 000 rubl' aldı. YAğni, men rubl'diñ sol kezdegi kursımen 6000 teñge, "Bolaşaqpen" oqığandar 200000 teñge aldı. Fakt üşin jazıp otırmın. ("Bolaşaqpen" Reseyde oqitındar qazir qanşa mıñ stipendiya alatının bilmeymin. Eger qatelespesem "Bolaşaqtıñ" eñ tömengi stipendiyasın Reseyde oqitındar alsa kerek).

"Bolaşaq" turalı jazğım kelmeydi. Intellektisi tömen adamdar "qızğanıp jatır" dep oylaydı. Men eşqaşan "Bolaşaqpen" oqığım kelmeydi. Sebebi, men təueldilikti jek körem.

Qazir əlemniñ mıqtı universitetteri grant böledi. Şın bilimdi adam sol granttı jeñip aladı.

Ötkende osında bir jigit jazdı. Sol jigittiñ jazuınşa, "Bolaşaqpen" Amerikada oqıp jatqan bir adamğa jılına 25 million, al Angliyada oqıp jatqan bir adamğa 19 million ketedi eken.

Gumanitar mamandıqtı "Bolaşaqpen" şetelde oqıtuğa öz basım qarsımın. Absurd. Gumanitar salasınıñ mamandarın üş ay is-təjiribege jiberuge boladı.

Odan da sol aqşağa üy salıp, arzandatılğan ipotekamen berseñder birneşe jas üyli bolar edi.

Biliktegilerdiñ işip-jegenin aytpağanda, memlekettik jobalarğa josparsız, maqsatsız aqşa şaşıp jatqanında esep joq. Men bir ğana "Bolaşaq" jobasın mısal ettim.

Halıq auırıp, qinalıp jatqanda biraz jobanı toqtatıp, karantin jariyalap, sol aqşanı halıqqa berip, üyde otıruın talap etu kerek.

"Byudjette aqşa joq" degen sıltau aytuğa bizdiñ biliktiñ qaqı joq. Qazirdiñ özinde karantin jariyalap, jobalarğa bölinip jatqan ne bölinetin aqşanı toqtatıp, halıqtı qwtqarudı oylau kerek. Qazir adamnan, adamnıñ densaulığınan asqan qwndılıq joq.

Koronavirusqa bölingen aqşa qayda? Erteñ mına indet joyılıp, jaqının joğaltıp aşınğan adamdar köşege şıqsa, toqtata alasıñdar ma?

Joq, toqtata almaysıñdar!

Qoqıstarıñdı tazalauğa uaqıt bar.

Ayagül Mantaydıñ äleumettik jelidegi jazbası

Abai.kz

5 pikir