Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
1284 6 pikir 30 Mausım, 2020 sağat 13:35

Äkim Äytenovtiñ bes orınbasarınıñ törteui auırıp jatır

Keşe ğana el prezidentinen sögis estigen Şımkent qalasınıñ äkimi Mwrat Äytenovtiñ bes orınbasarınıñ törteui auırıp jatır eken. Bwl turalı «tengrinews.kz» saytı jazdı.

«Eki orınbasarı pnevmoniyadan emdelip jatır, al ekeui basqa medicinalıq körsetkişter boyınşa auruhanağa tüsken. Basşılıqta äkimniñ besinşi orınbasarı Bauırjan Mamıtaliev qaldı. Äkim Mwrat Äytenovtiñ özi eki apta qaşıqtan jwmıs istegennen keyin qaytadan test tapsırdı. Öytkeni bwğan deyin ol koronavirus jwqtırğan bwrınğı densaulıq saqtau ministri Eljan Birtanovpen baylanısta bolğan. Test jaqsı nätije körsetti.  Endi ol qızmetine oraldı.  Äkimdik ğimaratında jwmıs isteydi».

Bwl Şımkent äkimdigi baspasöz qızmetiniñ aqparatı. Sonımen, qazir Şımkent qalası basşılığında 2 adam qalğan. Äkim Äytenov pen orınbasarı Mamıtaliev. Qalğandarı auırıp jatır.

39 jastağı Mwrat Äytenov (sol jaqta) Şımkent qalasınıñ äkimi bolıp 2020 jıldıñ qañtarında tağayındalğan. Onıñ orınbasarı 45 jastağı Bauırjan Mamıtbekov (oñ jaqta) - qwrılıs, jer qatınastarı jäne säulet salalarına jetekşilik etedi.

Densaulıq jağdayına baylanıstı uaqıtşa eñbekke jaramsız bolğandar - äkiminiñ birinşi orınbasarı Erbol Sadır jäne äkimniñ orınbasarı Almasbek Mamıtbekov. Olardan pnevmoniya anıqtalğan.

47 jastağı Erbol Sadır (sol jaqta) Şımkent qalasınıñ äkimdiginde densaulıq saqtau jäne käsipkerlik isine jetekşilik etedi. Al 51 jastağı Almasbek Mamıtbekov (oñ jaqta) äkimniñ ideologiya jönindegi orınbasarı.

Sonımen qatar, qala äkiminiñ orınbasarları Maqswt Isahov pen Nwrsadıq Ergeşbek em alıp jatır. Osığan baylanıstı olar auruhanada jatır.

46 jastağı Maqswt Isahov (sol jaqta) kölik jäne sport basqarmasına jetekşilik etedi. Al 48 jastağı Nwrsadıq Ergeşbek (oñ jaqta) twrğın üy salasında qızmet etedi.

Abai.kz

6 pikir