Senbi, 8 Tamız 2020
COVID-19 QAZAQSTANDA. Jwqtırğandar — 97829. Jazılğandar — 71609. Qaytıs bolğandar — 1058
1562 3 pikir 30 Mausım, 2020 sağat 13:07

Orıs-qazaq şekarasında tağı da mıñnan astam migrant jinalıp qaldı

Reseydiñ Orınbor oblısındağı Sol'-Ileck aymağına mıñnan astam Qırğızstan azamatı, 200-ge juıq Özbekstan jäne 30-dan astam Täjikstan azamatı jinalıp qaldı. Olar Qazaqstanğa ötip, äri qaray otanına oralğısı keledi dep habarlaydı Orenday.ru.

Qırğızstannıñ Orınbordağı qwrmetti konsulı Jandar uulu Taalaybek körşi eldiñ bilik ökilderimen tranzit dälizi jöninde kelissöz jürip jatqanın ayttı. "Diplomatiyalıq kelissöz keminde 20-30 künge sozıladı" degen ol.

"Migranttarğa kömektesip jatqan meyirimdi jandar tabılıp jatır. Olarğa qazir jergilikti twrğındar, volonterlar men qayırımdılıq qorları kömektesip jatır", – dep konsul orınborlıq basılımğa pikir bildirgen.

Basılım mälimetinşe, migranttar qazir tigilgen şatırda twrıp jatır. Arasında ayağı auır äyelder, zeynet jasındağı qariyalar men balalar da bar.

Bwl osımen orıs-qazaq şekarasına jinalğan üşinşi top. Birinşi toptağı 541 adam 7 mamırda şekaradan ötken. Qırğızstanğa barğanda, olardıñ jüzden astamınan koronavirus anıqtalğan. Ekinşi toptağı 500 adam mamır ayınıñ ortasında şekaradan ötip, eline oralğan.

Abai.kz

3 pikir