Beysenbi, 6 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
Alañ 3340 21 pikir 30 Mausım, 2020 sağat 12:53

Vladimir Kim separatizmdi qoldauşı ma?

Bizdiñ eldiñ aqparat keñistigine reseylik BAQ-tıñ qattı äser etetini jasırın emes. Äsirese bizdegi orıs tildi basılımdar, telearnalar Reseyde jarıq körgen maqala-materialdardı, telehabarlardı, fil'mderdi eş süzgiden ötkizbesten qazaqstandıqtardıñ nazarına wsınıp jür. Bwl sözimizge dälel tabu - älemdegi eñ oñay şarua şığar. Teledidarıñızdı qosıp qalsañız, qaptağan reseylik tele-serialdar... Män-mağınasına qarmay efirge şığarıp otırmız. Al reseylik közqaraspen jazılğan maqala, zertteulerdi türli basılımdardan op-oñay tabasız...

Osı mäsele töñireginde belgili jurnalist, qoğam qayratkeri Arman Şoraev Facebook jelisindegi jeke paraqşasında jazba jariyaladı. Arman mırza atalğan jazbasında On TV telearnasınıñ reseylik «Zvezda» arnasınıñ bağdarlamaların körsete bastağanın aytıp, milliarder Vladimir Kim men Natal'ya Akent'eva deytin ekeuin elimizdegi seperatizmdi damıtuşılar dep ayıptaydı.

Reseylik arna öz bağdarlamalarında Ukraina men Resey, Gruziya men Resey, Moldava men Resey qarım-qatınası jaylı birjaqtı habar taratıp, atalğan üş eldi teris jağınan tanıstıratın körinedi. Qazaqstan biligi äli beytarap közqaras wstanıp otırğan Qırım mäselesin de birjaqtı körsetip, Qırımdı Reseydiñ jeri dep aşıq näsihattap jür eken.

Jurnalit öz jazbasında On TV telearnasınıñ iesi RBK bank ekenin aytadı. Al bwl banktiñ bastı akcioneri - Vladimir Kim. Kimniñ kim ekenin eldiñ bäri biledi. Qazaq mısınıñ qojayını, Qazaqstandağı eñ däuletti käsipker. Endeşe qazaqtıñ en baylığın emin-erkin paydalanıp, eldegi eñ bay adam atanğan Kim kimniñ soyılın soğıp jür?

Zaderjannıy Arman Şuraev jdet sankcii suda

Biz jurnalist Arman Şoraevtıñ sol pikirin qaz-qalpında oqırman nazarına wsınıp otırmız: 

«Besinşi kolonna Qazaqstanda.

Tanıp, bilip jüruleriñizdi swraymın – Vladimir Kim men Natal'ya Akent'eva – elimizdegi eñ bastı separatizmdi damıtuşılar.

Juırda bizdiñ eldegi On TV telearnasınıñ tolqını arqılı Reseydiñ agressivti «Zvezda» telearnası körsetile bastadı. Bwl - Kreml'diñ körşilerine qarsı körsetip jürgen agressiyasınıñ logikasın men basqa da militaristik közqarasın tüsindirip, nasihattaytın arna.

Sondıqtan da ol bütkil kontentin memlekettik tilge audarıp beredi.

Al endi, meniñ tuğan tilimde, Abaydıñ ana tilinde, öz qazaq tilimizde olar bizge, qazaqtarğa Ukraina men ukrainalıqtardıñ qanday naşar halıq ekenin, Gruziya men gruzinderdiñ, Moldova men onıñ halqınıñ da jaqsı emes ekenin jäne nege Krımnıñ Reseydiki ekenin de nasihattap jatır.

Bizge älgi ORT Evraziya arnası azdıq etkendey, endi tağı bir zombi-telearna qosıldı.

Jäne bwl arnanıñ Otau tv kanaldarınıñ tegin paketi tiziminde bar ekenin de ayta ketken jön.

Bwl äñgimege Kim men Natal'ya bikeştiñ ne qatısı bar dersiz? Öytkeni, bwl telearnanıñ basqaruşısı – RBK bank.

Kim, men sizdi tüsinbeymin, bwl sizdiñ tım qattı toyınğanıñız ba, älde siz bizdiñ eldi separatizmniñ qwşağına iterip jatırsız ba? Siz öziñizdiñ arnañız tura jartı kün boyı Resey diasporasına Givi men Motorola jäne basqa da «jasıl adamdar» osında keletinine ümit sıylaytının tüsinesiz be? Al siz qalğan jartı kündi qazaqtar men ukraindardi, qazaqtar men gruzinderdi bir-birine aydap salıp otırsız ba?

Men Qazaqstan biliginen atalmış telearnanıñ Otau tv-den tolıq joyıluın jäne efir jürgizuin toqtatudı talap etemin!

Biz Ukrainağa soğıs jariyalağan joqpız jäne Qırımdı reseyge tiesili dep moyındağan joqpız!

Onıñ üstine, eger bizdiñ elde Resey jağında Donbasta soğısıp jürgen azamattar qılmıstıq jauapqa tartılsa, onda teledidarlar bolaşaq sodırlardıñ jasırın türde tartıluı turalı nege habar taratuı kerek?

Meniñ pikirimdi qoldaytındar, RBK Bankke boykot jariyalauıñızdı ötinemin.

Kim, siz mıs pen Otandı qatar sata almaysız. Bireuin tañdañız».

Dayındağan: Quanış Qappas

Abai.kz

21 pikir