Tarihshy Mark Soloninning Resey biyligine qatysty «Senbe, qoryqpa, jalynba» (Ne veri, ne boysya, ne prosiy!) degen qaghidasy bar. Yaghny «biylik ne aitsa da ashyqtan ashyq mýldem senushi bolmandar!» degeni. Koronavirusqa baylanysty Qazaqstandaghy aqparattyq jaghday da tap osyghan úqsas kýdigimizdi úlghaytyp barady.

Pandemiya bizding elimizde tek indet qana emes, ol sayasy oiyn qúralyna ainalghan úqsaydy. Óitkeni týsiniksiz jayttar kóbeydi. Biylik ýstimizdegi jylghy 12-16 nauryzda «nakones to» koronovirus bizge jetedi dep sәuegeylik bildirip edi, ýsh aidan beri virus júqtyrghandar sany aspandap kete bardy.

19 mausym kýngi keshki 21.00-de Qazaqstanda koronavirus júqtyrghandar sany 16351 bolypty. Jazylyp shyqqany 10195 deydi. 105 adam qaytys bolghan. El arasynda «ýsh jýz myng tengege koronvirus diagnozymen auruhanagha jatyp shyghugha úsynys jasalypty-mys», «óz auruymen qaytys bolghan adamdy tuystarynan koronvirustan qaytys boldy dep jazugha rúqsat súrapty-mys» degen ósek jeldey esip túr. Testileuge qatysty mәsele de kóp súraqty órbitedi. Osynday týsiniksiz jayttargha týbegeyli jauap berip jatqan eshkim joq. Sodan senim jel soqqan búlttay júlmalanyp barady.

Keyingi kezde kóp adamdar pandemiyany joqqa shygharyp senbeytindigin aita bastap edi, virus júqtyrghan resmy sheneunikter aty-jóni qarsha borady. Búryn eshkimning atyn ataugha rúqsat etilmeytin. Endi qaranyz, Berik Uәli, Bekbolat Tileuhan, Eljan Birtanov, Eraly Toghjanov, ol az bolghanday mine, Núrsúltan Nazarbaev, t.b.

Ýstinen shybyn úshyrylmaytyn adamdargha virus qalay júqqan? Kimnen júqtyrylghan? Kontaktining bәri kontrolida emes pe? Búghan kimder jauapty? Aynalasyndaghylar da oqshaulandy ma? Bәri qúpiya! Týsiniksiz bir oiyn jýrip jatqan siyaqty. Endi, mine, Premier-ministr Asqar Maminning tóraghalyghymen ótken el aumaghynda koronavirus infeksiyasynyng taraluyna jol bermeu jónindegi vedomstvoaralyq komissiyanyng otyrysynda astana, Almaty, Qaraghandy, Shymkent, Pavlodar jәne Ekibastúz siyaqty 6 qalada aldaghy demalys kýnderi shekteu sharalary kýsheytiletini habarlandy. Sonda búl tek senbi, jeksenbige qarap qalghan ne degen «aqyldy virus»? Jel me, boran ba?

Dýisenbiden bastap kóp sharua qayta qalpyna týsedi deydi. Balanyng oiyny ma dersin. Onsyz da halyqtyng biylikke senimine selkeu týskeli qashan? Senimdi úyalatatyn tek aqiqat qana. Sondyqtan biylik óz bedelin ózi óstip oiynshyqqa ainaldyrmay aqylgha qonymdy әreketter jasaghany jón emes pe?

Marat Baydildәúlynyng әleumettik jelidegi jazbasy

Abai.kz