Qazaqstanda kezekti Invest Day sharasy ótedi. Búl joly dәstýrli jiyn onlayn rejiyminde úiymdastyrylady,- dep habarlaydy Strategy2050.kz.

Basty maqsat – investorlar men daryndy jas ónertapqyshtardy toghystyru. Erekshe jobalar jýzege asyru mýmkinidigine ie bolady. Astana Hub-tyng bas diyrektory Djozef Siglerding aituynsha, bolashaghynan zor ýmit kýttiretin jobalardy izdegen investorlar útymdy bastamalardy jýzege asyrugha qyruar qarajat bóluge dayyn. Osynday Invest Day sharasynan song talay otandyq tyrnaqaldy bastama naryqqa shyqty deydi ol.

«Biz jobalardy birneshe baghyt boyynsha baghalaymyz. Ónimning ózi, onyng tiyimdiligi, qoghamgha paydasy, qanday mәselelerdi sheshe alatyndyghy, naryqtaghy súranysy, jetildiruge qatysty kórsetkishteri synalady. Keyin komanda tekseriledi. Jobany qúrastyrushylardyng kәsiby dengeyine mәn beriledi. Sonday-aq, býginge deyin saudagha shygharylsa satylu kórsetkishi, tútynushy sany, ónim ótkiziletin narqynyng geografiyasy, shet elder aumaghynda taratu әleueti tolyqtay saralanady», deydi Djozef Sigler.

Ótinimder ýsh apta boyy qabyldanady. Basty talap – IT salasy baghytyndaghy tehnologiyalyq startap boluy kerek. Olardyng arasynan 10 ýzdigi irikteledi. Jobany qorghaugha 5 minut jәne taghy sonsha uaqyt qoyylghan saualdargha jauap beruge beriledi.

«Qanday jobalar tabysqa ie bolady? Áriyne, eng aldymen onlayn oqu, jalpy bilim jәne densaulyq syndy qoghamdyq salalaryna qatysty bastamalar qyzyqty bolady. Sonday-aq, elektrondy sauda, virtualdy shynayylyq baghytyndaghy startaptar kóbine qarjylay qoldaugha ie bolyp jatady. Byltyrghy Invest Day sharasynda birqatar jobalargha 200 myng dollar shamasynda investisiya tartyldy. Biyl da búl mejeden kem bolmaydy dep oilaymyz», - deydi Djozef Sigler.

Astana Hub baspasóz qyzmeti boyynsha aldaghy mausym aiynyng 30 kýni ýzdik joba avtorlary qazaqstandyq biznes-perishteler, investorlar jәne týrli qor ónilderimen jýzdesetin bolady.

«Biz – Qazaqstannyng innovasiyalyq ekojýiesining basty qatysushysymyz. Óitkeni әr baghyttaghy qatysushylarmen tikeley tyghyz-qarym-qatynas jasaymyz. Startap ýshin investisiyanyng manyzy airyqsha. Jaqsy bir bastamalargha qarjy qúigha niyetti investorlargha startap tauyp beremiz. Joba iyelerine ónertabysyn jýzege asyru ýshin qarjy tartugha kómektesemiz. Búl barlyghy ýshin tiyimdi shara», - deydi Astana Hub-tyng bas diyrektory Djozef Sigler.

Abai.kz