Jeksenbi, 5 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Alaş arısı 977 12 pikir 30 Mamır, 2020 sağat 11:55

Aqjar audanına Smağwldıñ esimi berilui kerek!

2020 jıldıñ 29 mamırında, Petropavl qalasında, Manaş Qozıbaev atındağı Soltüstik Qazaqstan memlekettik universitetiniñ wyımdastıruımen  körnekti memleket jäne qoğam kayratkeri Smağwl Säduaqasovtıñ 120-jıldığına arnalğan «Alaştıñ ardaqtı wlı» attı Halıqaralıq ğılımi-täjiribelik konferenciya boldı. Eldegi dağdarıstı jağdayda bwl ğılımi pikir alısu beynekonferenciya türinde ötkizildi.

Halıqaralıq konferenciyağa elmizdiñ belgili tarihşı, ädebietşi, tilşi ğalımdarı, qoğam jäne memleket qayratkerleri, mwğalimder, baspasöz jäne öner ökilderi  qatıstı. Onlayn baylanıs jüyesiniñ mümkindigine qaray konferenciyanıñ jwmısın Petropavl qalasındağı arnayı jäne jalpı orta bilim beretin oqu orındarı, qaladağı jäne Nwr-Swltan, Qarağandı, Almatı, Aqtöbe, Atırau jäne Semey qalalarındağı joğarı oqu orındarı men ğılımi, mädeni-ağartu  mekemelerdiñ ıqılas bildirgen ökilderi nazarda wstadı.

Konferenciyada bayandamaların ortağa salğan qatısuşılar Smağwl Säduaqaswlınıñ ömiri men qızmetine jan-jaqtı toqtalıp, onıñ qoğamdıq-sayasi, wyımdastıruşılıq, mädeni-ağartuşılıq qızmetin saraladı.

Ğalımdar men zertteuşiler Smağwl Säduaqasovtıñ tarihi twlğası, jeke bas müddesin wlt baqıtı men bostandığına arnağan jeke basınıñ qayratkerlik önegesi men ädebi mwrası Qazaqstan jastarın adamgerşilik asıl qasietterge,  otanşıldıqqa tärbieleuge qajet qımbat qazına degen ortaq pikirge keldi. Sondıqtan da Qazaqstan Respublikasınıñ Ükimeti, qoğamdıq wyımdar Smağwl Säduaqaswlınıñ esimin wlttıq qwndılıq deñgeyinde qwrmet twtuğa qajetti alğışarttar jasauğa tiis ekendigin atap körsetip, mına şaralardı jüzege asırudı wsındı:

1. Smağwl Säduaqaswlınıñ esimin öziniñ tuıp-ösken Aqjar audanına beru turalı mäsele köteru;

2. Qazaqstan Ükimeti arqılı Özbekstan respublikasınıñ Ükimetine Smağwl Säduaqaswlınıñ esimin Taşkent qalasında, Resey federaciyası Ükimetine Ombı qalasında mäñgi este qaldıru jöninde mäsele qozğau;

3. Smağwl Säduaqaswlı eñbek etken Almatı, Petropavl qalalarında jäne memleketimizdiñ astanası Nwr-Swltan qalasında eskertkiş qoyu;

4. Nwr-Swltan qalasında, özi jwmıs istegen Almatı qalası men oblıs ortalıqtarında Smağwl Säduaqaswlı esimin köşelerge, mektepterge, mädeni-ağartu mekemelerine beru;

5. Joğarı jäne arnayı orta oqu orındarında Smağwl Säduaqaswlı atındağı därishanalar aşu, qayratkerdiñ atında sport jäne deneşınıqtıru şaraların ötkizu, studentterge ataulı şäkirtaqı tağayındau; «Smağwl oquların» wyımdastıru qolğa alu;

6. Smağwl Säduaqaswlı mürdesiniñ küli Elimizdiñ astanası Nwr-Swltan qalasına jetkizilip, qazaqşa jerlengen kündi, tuğan küni elimizdiñ Täuelsizdik Alaş jastarınıñ küni esebinde de belgilenip, atap ötilse;

7. Smağwldıñ ädebi şığarmaları boyınşa kinofil'mder tüsiru, spektakl'der dayındap qoyu jağına nazar audarılsa.

Bwl wsınıstardı konferenciyağa qatısuşılar birauızdan qoldap, dauıs berip, qabıldadı.

Zarqın Tayşıbay

Abai.kz

12 pikir